Fa’asala le BNZ ‘i le $2.6 miliona taufa’asesē ‘i tagata lautele

‘O le ‘ā totogi ‘e le Faletupe ‘o le BNZ le $2.6 miliona ‘ina ‘ua ‘ioe, sa ta’ita’iina sesē tagata ‘i le fa’avasēgaga ‘o tului ‘o nisi ‘o teugātupe ‘e lē mō ni polōfiti. 

Na fa’aalia ‘e le Pūlega ‘o Māketi Tau Tupe ‘o le soliga ‘o aiāiga ‘o fefa’atauā’iga talafeagai lea na tupu ‘i totonu ‘o se piliota ‘e 9 tausaga, mai ‘iā Tēsema 2014 ‘iā Fepuari 2024, na a’afia ai tagata ‘e to’a 23,103. 

Sā tatau ‘ona fuafua ma fa’atūlagaina le tului ‘i aso ‘uma, peita’i na fa’atūlagaina ‘i le pāleni fa’alemāsina pito maualalo, lea lā na ala ai ‘ona maualalo pe lē ‘ātoa le tupe ‘e totogi atu ‘i tagata (customers) ‘i se aofa’iga tu’ufa’atasi ‘e $5.39 miliona.

Na toe fa’ailoa atu lava ‘e le BNZ le fa’afītāuli ‘i le FMA ma totogi atu le tului sa’o ‘e tatau ‘ona maua ‘e tagata fa’aopoopo ‘i ai ma le tului ‘i le fa’aaogaga ‘o a lātou tupe.

Link to RNZ (Article): https://www.rnz.co.nz/news/business/598462/bnz-fined-2-point-6-million-after-misleading-some-customers-with-non-profit-accounts

CAPTION: BNZ Bank
IMAGE/ATA: RNZ / Marika Khabazi