Tutusa le ta’aloga ‘a le All Whites ma Iran ‘i le Ipu ‘o le Lalolagi

‘O le ali’i ‘o Eli Just, na a’aina ‘ai ‘e lua ‘a le ‘au soka ‘a Niu Sila le All Whites, lea na tutusa ai ma Iran ‘i lana ta’aloga muamua ‘o le Ipu ‘o le Lalolagi ‘o le ta’aloga soka ‘i Los Angeles.  ‘Ua tūsia ai fo’i le igoa ‘o Eli ‘i le tala fa’asolopito ‘o le Niu Sila ‘ua fa’alua ‘ona sikoa ‘i se ta’amilosaga ‘o le Ipu ‘o le Lalolagi.  ‘O Eli Just, na fānau ‘i Palmerston North, ma ‘o lona tinā ‘o se Saina.  ‘E ta’alo Eli ‘i le kalapu Sikotilani ‘o le Motherwell.  ‘Ua 26 ona tausaga.

‘O le sikoa muamua na maua ‘i le ‘afa muamua ‘o le ta’aloga ma le isi na maua ‘i le ‘afa lona lua.  ‘O lo’o nūmera tutusa ai ‘i le tūlaga muamua le All Whites ma Iran ‘i le Pulu po’o le Kulupu G.  ‘O le 16 lea ‘o tausaga fa’ato’ā toe ofi atu Niu Sila ‘i le Ipu ‘o le Lalolagi.

‘O le fa’afā ai lea ‘ona tutusa ni ta’aloga ‘a Niu Sila ‘i se ta’amilosaga ‘o le Ipu ‘o le Lalolagi, ‘e aofia ai tutusa ‘e tolu ‘i le Ipu ‘o le Lalolagi ‘i le 2010 ‘i ‘Aferika ‘i Saute.  ‘O le Aso Gafua le isi ta’aloga ‘a Niu Sila, ‘e tā’a’alo ai ma ‘Aikupito ‘i Vancouver.

Link to RNZ (Article): https://www.rnz.co.nz/news/sport/598329/football-world-cup-2026-all-whites-draw-with-iran

IMAGE/ATA: All Whites Facebook