Su’esu’e ‘e leoleo le piliota na feso’ota’i ai Superintendent Rakesh Naidoo ma le Labour

‘O le ‘ā faia ‘e leoleo se su’esu’ega ‘i le piliota lea na feso’ota’i ai le ali’i ta’ita’i leoleo Rakesh Naidoo ma le Vāega Fa’a’upufai ‘a le Labour.  Na fa’amaonia ‘i le Aso Gafua le iai ‘o Naidoo ‘i le lisi ‘o sui tauvā ‘a le Labour ma ‘o le iai fo’i ‘o lona suafa ‘i le nūmera 13, ‘ua lata ‘ina mautinoa ai lona nofoa ‘i le Palemene. 

‘O lona tūlaga ‘i totonu ‘o le matāgāluega, ‘o le pule ‘i le itū ‘o matā’upu tau ‘i le so’otaga ‘o leoleo ma itū’āiga tagātānu’u ‘ese’ese, ‘o tagata Māori fa’apea ai ma fa’alāpotopotoga. 

Na fa’aalia ‘e le Komesina ‘o Leoleo Richard Chambers ‘i se taimi ‘ua tuana’i, ‘ua lē talafeagai ‘ona toe tau’aveina ‘e Naidoo lona tofiga ‘o lo’o iai ‘i leoleo ma sā tatau fo’i ‘ona vave fa’ailoa atu lona fia ofi atu ‘i ‘upufai ‘o le mālō.    ‘O le aoauli ananafi na saunoa ai Chambers, ‘o le ‘ā faia se su’esu’ega ‘i le piliota lea na feso’ota’i ma ‘āuai ai Naidoo ‘i matā’upu fai ‘a le Labour, muamua ‘a’o le’i fa’ailoaina atu ‘i leoleo lona fa’amoemoega.

Link to RNZ (Article) by Sam Sherwood of RNZ: https://www.rnz.co.nz/news/political/597682/police-launch-review-into-period-superintendent-rakesh-naidoo-s-was-engaged-with-labour

CAPTION: Superintendent Rakesh Naidoo’s ranking at 13th means he is almost guaranteed a seat in Parliament.
IMAGE/ATA: Supplied / RNZ