Tatau ‘ona tali le Iūnaite Setete ‘ona ‘ua fana ‘e Iran lana helikopa – saunoa ai Trump

Na fa’aalia ‘e le Peresetene ‘o le Iūnaite Setete, Donald Trump, na fana ‘i lalo ‘e Iran se helikopa ‘a le militeli mā ‘e tatau ‘ona tali atu ‘i ai ‘Amerika.  ‘O le lua a’i lea ‘o helikopa ‘a le militeli ‘a ‘Amerika ‘o fa’afoeina ‘e ana vaegā’au, ‘ua fa’amaonia ‘e Uōsigitone le fanaina ‘i lalo ‘e Iran ‘i le taua ‘i Sasa’e Tūtotonu. 

‘O le aso 8 ‘o ‘Aperila na faia ai se māliliega ‘e tāofi le taua, ‘ae ‘o le toe fanaina ‘i lalo ‘o lea helikopa ma le ono tali atu ‘i ai ‘o le Iūnaite Setete, ‘ua atagia mai ai le fa’aopoopo atu ‘o lea fo’i taufa’amata’u ‘i le māliliega ‘o lo’o tāofia ai le taua mō se taimi lē tūmau, ‘ona ‘e le’o faigōfie fa’atalanoaga ‘a itū ‘e lua ‘i ‘auala ‘e fa’amuta ai le taua.  ‘O le helikopa lea na fanaina ‘i lalo ‘e fa’apea sa felelea’i ‘i luga ane ‘o le vāinu’u ‘o le Strait of Hormuz, ‘o lo’o uia ‘e va’a suāu’u.  ‘E lēai se tasi ‘o le ‘auva’a na manu’a. 

Link to RNZ (Article) translated: https://www.rnz.co.nz/news/world/597725/united-states-must-respond-after-iran-downs-apache-helicopter-president-donald-trump-says

IMAGE/ATA: The White House Facebook