Āfāina le faiā’oga ‘o le Warriors ‘i tala lē moni ‘i luga ‘o ‘upega ‘o feso’ota’iga

Na le’i faigōfie ‘i le faiā’oga ‘a le NZ Warriors Andrew Webster ‘ona nanā ona lagona ‘ina ‘ua āgiga ‘i luga ‘o ‘upega ‘o feso’ota’iga se tala sesē ‘e fa’apea ‘ua maliu lona to’alua.  ‘Ua molimauina le fa’atuputupula’ia ‘o le fa’atūtū ‘o tala sesē ‘e fau ‘e le poto fa’afōliga ‘o masini komipiuta po’o le AI, lea na āfāina atu ai ma le to’alua ‘o Webster.

Na saunoa le faiā’oga ‘a le Warriors, ‘e le’o se mea mānaia le fa’alogo atu, ‘o talanoa tagata ‘e uiga ‘i le maliu ‘o lona to’alua. ‘O ia ‘e lē alu ‘i luga ‘o ‘upega ‘o feso’ota’iga po’o le social media ma ‘ana lē fa’amatala atu ‘e tagata ‘iā te ia, na te lē iloa.  ‘E iai nisi ‘o fa’alāpotopotoga ‘o ta’aloga ‘i Niu Sila ‘ua o lātou lapata’iina tagata lautele ‘ina ‘ia ‘aua ne’i o lātou tatalaina pe resitala ‘i ni ‘upegatafā’ilagi lē āloa’ia, ‘o lo’o iai itū’āiga fa’amatalaga fa’apea.

Link to RNZ (Article) written by Grant Chapman of RNZ: https://www.rnz.co.nz/news/sport/597829/nrl-nz-warriors-coach-andrew-webster-latest-victim-of-social-media-fake-news

IMAGE/ATA: One NZ Warriros Facebook