‘Ua lata mai le taimi ‘e iloa ai le i’uga ‘o le Moana Pasifika

‘E iai le lagona ‘o le ‘Asosi ‘o Tagata Lakapī, ‘e mafai lava ‘ona fa’asaoina le Moana Pasifika peita’i ‘e mo’omia le maua ‘o se tali ‘i nai vaiaso ia ‘e lumana’i nei.  ‘O le vaiaso talu ai, na fa’ase’e atu ai le ‘au ‘i se pūlega ‘e mafai ‘ona va’aia ma su’e ni ‘auala ‘e totogi ai ‘aitālafu. 

‘E silia ma le 8 miliona tālā tupe ‘e fa’apea ‘o lo’o nofo ‘aitālafu ai, ‘e tusa ai ma fa’amaumauga ‘o le ulua’i līpoti ‘a le vāega lea ‘ua va’aia le ‘au ‘i le taimi nei, ‘e aofia ai se nonōgātupe ‘e 2.75 miliona tālā mai le mālō ‘e ala atu ‘i le Sport NZ.  ‘E mo’omia le fa’amautū ma fa’amausalī ‘o pā’aga ma ni fa’alāpotopotoga ‘e lagolagoina le kalapu ‘i se taimi ‘o le māsina nei pei ‘ona fa’aalia ‘e Rob Nichol le fa’auluuluga ‘o le Asosi ‘o le ‘au tā’a’alo. 

Na fa’aalia ‘e le Minisitā ‘o le Vā ‘i Fafo, Vaovasamanaia Winston Peters ‘i le Aso Lua ‘ua faia se fa’atonuga ‘a le mālō ‘ina ‘ia gālulue fa’atasi ma le Lakapī Niu Sila ma isi fai siea ‘e sā’ili’ili ni ‘auala ‘e mafai ‘ona fa’aauau ai le kalapu.  Na saunoa le Palemia Tuisinavemauluomotootua Christopher Luxon ‘i le Aso Lulu ‘e le’o mautinoa le ono toe ‘ave ‘e le mālō ‘o se vaegātupe mō le kalapu ‘ua tu’u atu ‘iā Vaosamanaia le avanoa mō ni finagalo ‘ina ‘ia tu’uina atu ‘i le Kapeneta.

Peita’i, ‘e iai lona manatu ‘e matuā faigatā le matā’upu mō le ‘au fai lāfoga ‘i Niu Sila.  Na tu’u atu ‘e le faigāmālō ‘a le Labour, le $4 miliona ‘ae ‘ua ‘uma ma ‘ā fai ‘e faia se fa’ai’uga ‘ina ‘ia tu’u atu se tupe fa’apea ‘i le kalapu, ‘e tatau lā ‘ona tu’u atu mō se fa’ai’uga ‘a le Kapeneta.

Link to RNZ (Article): https://www.rnz.co.nz/news/sport/597157/future-of-moana-pasifika-really-approaching-d-day-players-association

ATA: Moana Pasifika Facebook.