Lāuga fa’amāvae ‘a Judith Collins ‘i le Palemene
‘O lou mālosi ‘e āfua mai lou fa’ato’ilaloina ‘o faigatā, ‘e pei ‘ona saunoa ai le tama’ita’i Minisitā Judith Collins, ‘i lana saunoaga fa’amāvae ‘i le Palemene ‘i le aso ananafi.
‘E 18 tofiga ma matātā na ‘ūmia ‘e Collins, ma sā ‘avea fo’i ma ta’ita’i ‘o le National ‘i se tasi ‘o taimi ‘a’o sē’ei ‘i totonu ‘o le Palemene mō tausaga ‘e 24. ‘O Collins ‘o le ‘ā ‘avea ma Peresetene ‘o le Komisi mō le Tūlāfono.
Na toe saunoa le tama’ita’i minisitā ‘i le taimi fa’ato’ā ulufale atu ‘i ‘upu fai ‘o le mālō ‘i ni tala na fai atu ‘iā te ia, ‘e lē tāua tele se mea ‘o le ‘ā ‘ia faia, ‘ua na’o se faipule ‘o le ‘ā na’o le alu atu ma toe fo’i.
‘O le ala lea na ia fīnau mālosi ma fa’aaogā lelei le avanoa. Na ia tā’ua fo’i se tasi ‘o mea ‘e pito sili ‘ona mitamita ai, ‘e pei ‘o le fa’asā ‘o le ulaula ‘i falepuipui ‘e ui ‘e le’i lagolagoina ‘e le mālō. ‘O ia fo’i na maua ai le fa’ai’uga ‘o le fa’afīnauga ‘i le Nelson Tenths po’o se ‘ele’ele mō Māori ‘i Nelesoni talu mai le 16 tausaga ‘o finauga ‘i le fa’amasinoga ma le 180 ‘o tausaga ‘o le lē faimeatonu.
Sa ia ‘ave le fa’amālō ‘i le palemene ‘ona ‘o le tūmau ‘o le lagolago mō le sa’olotoga ‘o Ukraine. Sā fa’ailoa fo’i le tūmau pea ‘o lana lagolago ‘i ana saunoaga ia na faia ‘i le taimi na goto ai le va’a o le HMS Manawanui ‘i Sāmoa na ia ‘ina’inā ai ‘i fa’a’upuga fa’ailoga lanu ma le lē māfaufau na lalafo ‘e tagata ‘e fa’asaga ‘i le ītūpā ‘o tama’ita’i.
Sa ia fa’afetaia le Fofoga Fetalai Gerry Brownlee, Shane Reti ma Nicola Willis ‘ona ‘o lō lātou lagolago ‘iā te ia ‘i ni taimi pito sili ‘ona faigatā, ‘ina ‘ua ‘avea ‘o ia ma ta’ita’i ‘o le National ‘i le 2020, ‘o le ta’ita’i lona tolu ‘o le vāega ‘i taimi ‘a’o ‘i le Itū Agai ‘i totonu ‘o vāiaso ‘e tolu ‘i le taimi ‘o le kōviti ma ni nai māsina ‘a’o le’i faia le faigāpālota tele.
Na tūtūlala’i ‘i lātou sa nofoia le Potu ‘o Felafolafoā’iga ‘a le Palemene sā aofia ai Don Brash, Jenny Shipley, Don McKinnon, ma nisi na ‘avea ma faipule. ‘E lēai se faigāpālota la’itiiti ‘e faia ‘i lona itūmālō ‘o Papakura ‘ona ‘o le latalata ‘i le taimi ‘o le faigāpālota tele.
Link to RNZ (Article): https://www.rnz.co.nz/news/political/594985/watch-judith-collins-makes-her-final-speech-to-parliament
ATA: VNP / Phil Smith (RNZ).