Toe maua le faitau miliona ‘o tupe ‘a le NZTA mō su’ega ‘o le mānava fa’atautaia ‘e leoleo

‘Ua toe fa’atūlaga ‘e le Lālā ‘o Fela’uā’iga ‘a Niu Sila le faitau miliona ‘o tupe ‘auā su’esu’ega ia ‘e faia ‘e leoleo, ‘o le mānava ‘a le ‘aveta’avale po’o ‘ova atu le ‘ava mālosi ‘o lo’o ia taumafaina ‘a’o ‘ave le ta’avale. Na iai ni fa’amatalaga ‘i le tausaga talu ai na sesē ‘ona fa’amauina ‘e leoleo le faitau afe ‘o ni su’esu’ega.

‘Ua fa’ataga ‘e le NZTA le fa’amatu’u atu ‘o le $18 miliona ‘i leoleo ‘ina ‘ua māe’a se iloiloga fa’atūma’oti ‘i fa’amaumauga ‘o su’esu’ega ‘o mānava ‘a ‘aveta’avale.  Na fa’aalia ‘e le Leitiō Niu Sila ‘i le tausaga talu ai, ‘e tusa ma le 130 leoleo na su’esu’euina ‘i le atunu’u ‘ina ‘ua māua, ‘e 30,000 su’ega ‘o mānava (breath tests) na sesē ‘ona fa’amauina ma pu’eina.  Na saunoa le Minisitā ‘o Fela’ua’iga, Chris Bishop, ‘e uiga ‘i lona lē fiafia ‘i le ‘umi ‘o le taimi fa’ato’ā fa’alauiloa le lipoti ma ‘ua ‘uma ‘ona fai ‘i ai, ‘ia vave ‘ona fai, pei ‘ona ia saunoa ai ‘i luga ‘o le Leitiō Niu Sila.

Link to RNZ (Article): https://www.rnz.co.nz/news/political/594349/new-zealand-transport-agency-restores-millions-in-funding-for-police-breath-testing

ATA: RNZ