Mōlia mātua ‘i le tia’i ā’oga ‘o le tamaitiiti

‘Ua mōlia ‘e le mālō ni mātua ‘i le fa’amasinoga ‘ona ‘o le tia’i ā’oga ‘o la lā tama.  ‘O se vāega lea ‘o le polokalame ‘a le mālō ‘i le sā’iliga ma le fa’asalaga ‘o mātua ‘e tia’i ā’oga so’o a lātou fānau.  ‘O lea pōlisi, na fa’atupu manatu ai le Minisitā Lagolago ‘o Ā’oga, David Seymour.

Na folafola ‘e Seymour ‘i le tausaga talu ai, ‘o le ‘ā matuā fa’amamafa lava ‘e le mālō le tulimata’iga ‘o tamaiti ‘e lē ō ‘i le ā’oga ma fa’aaogā ai le mālosi’aga ‘o lo’o ua ‘i le tūlāfono, ‘e aofia ai le mōlia ‘o mātua.

‘E 34 ni matā’upu ‘ese’ese ‘o tamaiti ‘e tia’i ā’oga, ‘ua fa’ailoa āloa’ia ‘e le Matāgāluega ‘o Ā’oga ‘ae ‘e 17 ‘ua māe’a ‘ona fofō ‘a’o le’i o’o ‘i le tūlaga ‘e faia ai mōliaga.  ‘O le taimi mulimuli na faia ai se mōliaga ‘i se matā’upu fa’apea, ‘o le tausaga ‘e 2022 ma le 2019.

‘E mafai ‘ona fa’asalaina mātua ‘i le ta’i $300 pe ‘ā fai ‘o le taimi muamua fa’ato’ā fa’asala ai, ma le $3000 pe ‘ā fa’apea ‘o le taimi lona lua.  ‘E lē mōliaina fo’i ‘e le matāgāluega mātua ‘e feso’ota’i pea ma le ā’oga fa’apea ai mātua ‘e iai fānau ‘e a’afia so’o ‘i ni gasegase po’o tamaiti ‘e iai fa’afītāuli ‘o le soifua mālōlōina ‘ona ‘o tūlaga tau ‘i mana’oga fa’apitoa.   Mai fa’amaumauga na fa’alauiloa ‘i le vāiaso talu ai ‘o le kuata muamua ‘o lenei tausaga, na fa’aalia ai ’e 68.6 pasene ‘o tamaiti ā’oga ‘e tō’a’aga ‘i le ā’oga, ‘o se fuainūmera pito maualuga talu mai le kuata muamua ‘o le 2020.

Link to RNZ (Article): https://www.rnz.co.nz/news/political/593534/parent-prosecuted-over-child-s-school-absence-as-part-of-government-s-truancy-crackdown

ATA: SCR (file).