‘O le Afioga ‘iā Fa’alogo Tana Umaga, le isi faiā’oga lagolago ‘o le ‘au ‘a le ‘Olopeleki ‘o le ‘a filifilia

‘Ua ripotia mai ‘e le 1News, ‘o le Afioga ‘iā Fa’alogo Tana Umaga, le isi faiā’oga lagolago ‘o le ‘au ‘a le ‘Olopeleki ‘o le ‘a filifilia

‘O le aso 4 ‘o Mati lea na fa’asilasila ai ‘e le Lakapī Niu Sila le filifilia ‘o le faiā’oga ulu fou ‘a le ‘au ‘a le atunu’u, ‘iā Dave Rennie.

‘O Rennie ‘o le ulua’i faiā’oga ulu Pasefika ‘a le ‘Olopeleki (Cook Island/Māori heritage). ‘Ae ‘o le filifilia ai ‘o le Afioga ‘iā Fa’alogo ‘e gālulue fa’atasi ai ma Rennie, ‘o se tūlaga ‘ua tūmātila ai le sao ‘o tagata Pasefika ‘i le ātinae’ina ‘o le ‘au lakapī ‘a Niu Sila.

‘O Umaga, ‘o lē na fa’atūina se matāti’a ‘i le talafa’asolopito ‘o le ‘Olopeleki, ‘ina ‘ua filifilia ‘o ia ‘e fai ma ulua’i kāpeteni Pasefika/Sāmoa ‘o le All Blacks ‘I le 2004-2005.

‘O le Afioga ‘iā Fa’alogo ‘o lo’o faiā’oga ulu ‘i le ‘au ‘a le Moana Pasifika ‘i le taimi nei.

‘O se aso ‘o muamua ‘o le ‘a fa’alauīloa aloā’ia ai ‘a le Lakapī Niu Sila lea filafilaga.

ATA: Moana Pasifika / Facebook.