Ono o’o ‘i le $3 ‘i le lita le tau ‘o le penisini ‘ona ‘o le taua ‘i Sasa’e Tūtotonu

‘E ono ‘āmata atu ‘i le fa’ai’uga ‘o le vaiaso ‘ona si’itia le tau ‘o le penisini ‘a’o fa’aauau ai pea le taua ‘i Sasa’e Tūtotonu pei ‘ona fa’aalia ‘e le pule sili ‘o le Waitomo Group, Simon Parham ‘i luga ‘o le Checkpoint.  ‘E lē ‘o se tūlaga ‘e fa’ate’ia ai le ono si’itia ‘i le $3 ‘i le lita ‘i nisi ‘o pamu penisini.

‘E lata ‘i le 16 pasene na si’itia ai le suāu’u ‘o le brent crude ‘i le vaiaso talu ai, ‘ina ‘ua tāpunia ‘e Iran se ālāva’a tāua tele mō le fela’ua’iga ‘o le suau’u.  ‘O le Strait of Hurmuz, ‘o se ālāva’a vāiti ‘i le vā ‘o Oman ma Iran mā ‘e tāua tele mō le fela’ua’iga ‘o le tusa ma le 20 pasene ‘o le suāu’u ‘a le lalolagi.  ‘E faitau miliona paelo suāu’u ‘e fela’ua’i ‘i le Strait of Hormuz fa’atasi ai ma le kesi peita’i, ‘o lea ‘ua fa’amata’uina ‘e Iran le faia ‘o se osofa’iga  ‘e faia ‘i so’o se va’a ‘e taumafai ‘e sopo’ia lea ālāva’a.

Link to RNZ (Article) translated: https://www.rnz.co.nz/news/business/588643/petrol-prices-could-hit-3-a-litre-amid-conflict-in-middle-east

ATA: Marika Khabazi (RNZ).