Saini le Komesina ‘i le fa’amatalaga fa’avaomālō ‘i le puipuiga mai ni a’afiaga ‘e ono tutupu ‘ona ‘o le AI

‘Ua saini le Komesina ‘o Niu Sila mō le puipuiga ‘o le tūlaga patino ‘o le ta’ito’atasi, ‘i se fa’amatalaga tu’ufa’atasi ‘i le lalolagi, ‘o lo’o fa’aleo ai ni popōlega ‘e uiga ‘i ata ‘o lo’o mafai ‘ona fau ‘e le Poto Fa’afōliga ‘o masini po’o le Artificial Intelligence, ma ‘ua vala’au fo’i ‘i fa’alāpotopotoga ‘ina ‘ia mulimuli ma usita’i ‘i le tūlafono.

‘O atugaluga ‘o lo’o fa’aleoina, ‘e fa’atatau lea ‘i ni a’afiaga ‘e ono mafai ‘ona tutupu mai le fa’aaogaga sesē ‘o le AI ma ‘ua vala’au ai mō ni puipuiga ma tūlāfono ‘ua tatau lava ‘ona faia.  ‘E tūto’atasi le ‘Ōfisa ‘o le Privacy Commissioner ma ‘o lana matāfaioi, ‘o le fa’amautinoa, ‘o lo’o malamalama ma iloa lelei ‘e fa’alāpotopotoga, aiāiga mō le puipuiga ‘o tūlaga patino ‘o tagata ta’ito’atasi. 

‘Ua fa’ailoa ātugaluga ‘i le fa’atuputupula’ia pea ‘o le fa’aaogāga ‘o ata ‘o tagata moni, ‘ae sui ‘e le AI po’o le poto fa’afōliga ‘o māsini.  ‘Ua tā’ua ‘e fa’apea, ‘e lē’o finau ‘e sui ai tūlāfono ‘a Niu Sila ‘ua iai nei peita’i, ‘e ono maua ai le avanoa ‘e tūlei ma ūna’i mālosi ai le mālō ‘ina ‘ia o lātou silafia lava mea fou, ‘a’o fa’aauau ai ‘ona tele le fa’aaogāga ‘o le AI.

Link to RNZ (Article) translated: https://www.rnz.co.nz/news/political/587814/ai-and-privacy-commissioner-signs-on-to-global-statement-on-potential-harms

ATA: Screenshot / Facebook (RNZ)