Tūmau le pasene tului ‘a le Faletupe Fa’aleoleo ‘i le 2.25%

‘E mo’omia le pūlea lelei ‘o le tau ‘o le soifuaga ‘a’o toe fa’atūmau ai ‘e le Faletupe Fa’aleoleo ‘a Niu Sila le pasene tului ‘o tupe ‘i le 2.25.  ‘O se fa’ai’uga na iai lava le talitonuga ‘o le to’atele ‘o le ‘ā o’o ‘i ai. Na tā’ua ‘e le faletupe, sa taumafai ‘e fa’apāleni le mo’omia ‘o le lagolago ‘i le toe fa’aleleia lea ‘o le tamāo’āiga, ‘a’o fa’aitiitia ai ni faigatā ‘e o’o ‘i le tau ‘o le soifuaga. 

Na o’o le pasene tului ‘o tupe ‘i le 3.1 ‘i le fa’ai’uga ‘o le tausaga talu ai, ma na i luga atu ‘o le fuainūmera na fuafuaina ‘e le faletupe. 

Na saunoa le Kōvana ‘o le Faletupe Fa’aleoleo Dr Anna Breman, ‘o lo’o ‘i se tūlaga tau ‘āmata, le toe fo’i ‘i se lelei ‘o le tamāo’āiga mā ‘ātonu ‘e tele ‘āiga ‘e le’o mafai ‘ona lagona ni suiga ‘o le tau ‘āmataga ‘o le toe fo’i ‘o le tamāo’āiga ‘i se lelei.  ‘E le’o iai ni fuafuaga ‘e toe vave si’i ai le OCR po’o le pasene tului ‘o tupe se’i vaganā ‘ua va’aia ni fa’ailo ‘o le mālosi ‘o le tamao’āiga.

Na fa’aalia ‘e le faitōfā ‘o le tamāo’āiga ‘a le Kiwibank, Jarrod Kerr, ‘ua mōlimauina le tūlaga lelei mai ‘o le Kōvana fou ‘o le faletupe, ‘i le faigōfie, lelei ‘ona fa’amatala ma fa’ailoa le tūlaga ‘o le pasene tului ‘o tupe.

Link to RNZ (Article) translated: https://www.rnz.co.nz/news/national/587194/reserve-bank-leaves-official-cash-rate-at-2-point-25-percent

ATA:  RNZ / Samuel Rillstone