Tele faitiogā na fa’aleo  ‘a’o le’i maliu se tama’ita’i ‘ina ‘ua osofa’i ‘e ta’ifau ‘i Kaihu

Na fa’aalia ‘e se tagata ‘o Kaihu ‘i Northland, ‘e lē tasi se fa’aseā na faia ‘e uiga ‘i ta’ifau tata’aloa ‘i le nu’u ma tuli solo tagata feoa’i, ‘a’o le’i maliu ai se tama’ita’i.  ‘O le taeao ‘o le Aso Lua, na logoina ai ‘au’aunaga mō fa’alavelave fa’afuase’i mō se fesoasoani ‘i se fale ‘i le State Highway 12.  ‘Ae taunu’u atu leoleo, ‘ua maliu se tama’ita’i. 

Na fa’amaonia ‘e le Pūlēgānu’u Fa’aitūmālō ‘a Kaipara mō le va’aiga ‘o meaola, na iai se fa’alavelave na tupu na aofia ai ni ta’ifau ma se tagata ma ‘o lo’o faia ‘i ai su’esu’ega.  ‘Ua taofia fo’i ta’ifau ‘i le taimi nei.  Na tā’ua ‘e se tagata ‘o le nu’u ‘i le Leitiō Niu Sila, sa iai fa’aseā ‘e uiga ‘i ta’ifau ‘i lea vāega ‘o Northland peita’i ‘e lēai lava se mea na faia ‘i ai.  Ma ‘e iai lo lātou talitonuga, sa lē tatau lava ‘ona tupu le fa’alavelave lea ‘ua ‘uma ai le ola ‘o le tagata. 

Link to RNZ (Article) translated: https://www.rnz.co.nz/news/national/587075/multiple-complaints-before-woman-mauled-to-death-by-dogs-at-house-in-kaihu-northland

ATA: RNZ