Tūla’i ‘i le fa’amasinoga ‘i ‘Aukilani ‘i se taufa’asesē mō le ‘umi ‘e 18 tausaga

Na tūla’i ‘i le fa’amasinoga ‘i le Aso Lua mō le taimi muamua se tama’ita’i ‘e 44 tausaga le matua ‘o ‘Aukilani, ‘e tali ‘i mōliaga ‘o faigāuō, ‘ae pepelo ‘e taufa’ase’e pe taufa’asesē, ma ‘ua 18 tausaga ‘o ia faia lea gāioiga.  ‘E silia ma le $517,000 se tupe na ia mauaina ‘i ia faiga taufa’asesē ‘i le faigāuō ma se taule’ale’a Dunedin ‘i le vā ‘o le 2006 ma le 2024.  ‘E le’o mafai ‘ona fa’ailoaina lona igoa ‘i le taimi nei ‘e le fa’amasinoga.

Na fa’aalia ‘e leoleo, ‘o faiga taufa’asesē ‘i faigāuō, ‘e tele lava ‘ina faia ‘e tagata mai fafo ma faigatā ai ‘i le tūlāfono ‘ona sa’ili.  ‘E māsani fo’i ‘ona tupu ‘i se tagata ‘e se’etia ma alofa ‘i se tasi ‘i luga ‘o feso’ota’iga fa’atēkonolosi ‘e aunoa ma le feiloa’i pe va’ai ‘i le isi tagata.  Na fa’aalia fo’i ‘e leoleo, ‘ua tau lē va’aia ni faiga taufa’asesē fa’apea ‘i lenei vaitau.  ‘Ae ‘ua sui ‘i faiga taufa’asesē ‘i crypto currency po’o tamāo’āiga ia ‘e lēai ni tīnoitupe, ‘ae teu ‘i faiga fa’atēkonolosi.

‘O le māsina fou ‘e toe tūla’i ai le tama’ita’i lea na mōlia, ‘i le fa’amasinoga.

Link to RNZ (Article) translated: https://www.rnz.co.nz/news/national/587100/auckland-woman-appears-in-court-for-alleged-18-year-elaborate-romance-scam 

ATA: Finn Blackwell / RNZ