‘E lē fetaui le lē lava ‘o tagata faigāluega mō Kenepuru; fai mai ai le Iuni

Na fa’aalia ‘e le iuni ‘a fōma’i sīnia, ‘e tatau ‘i le Soifua Mālōlōina ‘a Niu Sila ‘ona fa’aleleia le nūmera ‘o le ‘aufaigāluega ‘i le falema’i ‘i Kenepuru, ‘ona ‘o le pō ‘o le Aso Sā, ‘e lēai se fōma’i na iai.  Na fa’aalia ‘e le Health NZ, ‘o le vā ‘o le ‘afa ‘o le sefulu ‘i le pō ‘o le Aso Sā ‘e o’o atu ‘i le 7 ‘i le taeao ‘o le Aso Gafua, sa tupu ai lea fa’alētonu ‘ona sā mama’i le ‘aufaigāluega lea na tu’u ‘e tiute, ma ‘e le’i mafai fo’i ‘ona maua nisi ‘e fa’atumuina lea sifi.

‘O tausi soifua sā va’aia tagata gasegase ma faia le fa’ai’uga pe tatau ‘ona fa’atali se’ia o’o ‘i le taeao, pe mō’omia le togafitiga fa’anatinati.  Na saunoa le fa’atonu sili ‘o le ‘asosi ‘o fōma’i fa’apitoa, Sarah Dalton, ‘e lē talafeagai mō tagata lautele le lēai ‘o ni fōma’i.  ‘E moni ‘e o’o lava le ma’i ‘i so’o se tasi peita’i, ‘aiseā na fa’aauau ai ‘e le Soifua Mālōlōina le ‘au’aunaga ‘i se faiga ‘e lē mafai ‘ona fa’atinoina ‘aemaise lava ‘i se taimi pu’upu’u.  ‘E  tutusa lelei agava’a ‘e maua ‘e tagata ia, ma ē ‘e āga’i ‘i ‘au’aunaga ‘i taimi ‘e māe’a ai taimi faigāluega māsani (after hours), ‘e pei ‘o le Hutt Valley, lea ‘e ‘āto’atoa ‘ona maua ‘uma ai le ‘au’aunaga mō ‘i lātou pei ‘ona saunoa Dalton. 

‘E tusa ma le 120,000 tagata ‘i Porirua, Tawa ma Kāpiti Coast ‘e āga’i ‘i le Falema’i ‘i Kenepuru ma le Kenepuru Accident & Medical Clinic.

Link to RNZ (Article) translated: https://www.rnz.co.nz/news/political/583275/kenepuru-urgent-care-clinic-short-staffing-unfair-on-community-union

ATA: Google Maps.