Na malaga ‘i Filipaina terorisi mō a’oa’oga ‘o gāioiga fa’amiliteli

Na malaga le tamā ma le atali’i fa’atupu fa’alavelave ‘o Sajid ma Naveed Akram ‘i Filipaina, ‘e fai ai a lā a’oa’oga ‘i faiga fa’amiliteli ‘a’o le’i o lā fa’ao’oina le oti ‘i tagata ‘e to’asefululima ‘i le patipatiga ‘o le Hanukkah i Bondi Beach pei ‘ona fa’amaonia ‘e le vāega ‘o le puipuiga ‘a ‘Ausetālia.

Na lipotia ‘e le ABC le ‘umi ‘o ni so’otaga ‘o Naveed, 24 tausaga, ‘i sui ‘i ‘Ausetālia ‘o le vāega ‘e lagolagoina le Islamic State, ‘e aofia ai se ta’ita’i ‘o ta’ita’i ‘o Wisam Haddad fa’apea ai ma Youssef Uweinat.  ‘Ua iloiloina nei ‘e le vāega su’esu’e ni pi’itaga ‘o Akram ‘i le vāega ‘a le ISIS, ‘ina ‘ua iloa na malaga le tamā ma lona atali’i ‘i Manila ‘i le ‘āmataga ‘o le masina ‘o Nōvema, ‘i le ‘a’ai ‘o Davao ‘i le motu ‘o Mindanao mō a’oa’oga fa’amiliteli. 

‘E le’i iai le tamā ma lona atali’i ‘i le lisi ‘o le ‘au fa’atupu fa’alavelave ia ‘e tulimata’i ‘e le mālō, ‘a’o le’i tupu lea osofa’iga ‘i Bondi Beach pei ‘ona lipotia.  Na fa’ailoa ‘e le ABC ‘i le Aso Gafua, ‘e lua ni fu’a ‘a le Islamic State na maua ‘i le ta’avale ‘a Akram ‘i Bondi Beach mā ‘e talitonu le vāega su’esu’e, na fa’atautōina ‘i lā’ua ‘e lagolago ‘i le vāega fa’atupu fa’alavelave.

Link to RNZ World News (Article) translated: https://www.rnz.co.nz/news/world/582010/bondi-terrorists-travelled-to-philippines-for-military-style-training-security-sources-say

ATA: Supplied (RNZ).