Ofi atu Sāmoa ‘i le Ipu ‘o le Lalolagi 2027

‘E ui na tutusa le ta’aloga ‘i le ta’i 13 ‘i le vā ‘o Sāmoa ma Belgium, ‘ae ‘ua ofi atu lava le Manu Sāmoa ‘i le Ipu ‘o le Lalolagi ‘o le 2027.  ‘O le tā’aloga lea na faia ‘i le vaveao analeila ‘i Dubai.  ‘Ua ‘ātoa ‘iā Sāmoa ‘au ‘e 24 ‘o le ta’amilosaga lea ‘o le ‘ā faia ‘i ‘Ausetālia, ma ‘o le ‘au mulimuli fo’i lea ‘o le ta’amilosaga. 

‘O le ofi atu ‘o le Manu Sāmoa ‘i le Ipu ‘o le Lalolagi 2027, ‘o le ‘ā fa’ailogaina ai fo’i le fa’asefulu ‘ona iai ‘i lea ta’amilosaga tele, talu mai lava le ulua’i taimi, ‘o le 1991.  ‘O le taimi nei ‘o lo’o tūlaga 17 Sāmoa ‘i le fa’atūlagaga ‘o ‘au lakapī ‘a ali’i ‘i le Ipu ‘o le Lalolagi mā ‘o le aso 3 Tēsema ‘i le 8 ‘i le afiafi taimi ‘i Sini, ‘o le ‘ā iloa ai ‘e Sāmoa ‘au ‘o le ‘ā o lātou tā’a’alo ‘i la lātou pulu mō le Ipu o le lalolagi 2027, lea ‘o le ‘ā tali mālō ai ‘Ausetālia, mai le aso 1 ‘Oketopa ‘e o’o atu ‘i le aso 13 Nōvema.

‘Ua fa’amaonia fo’i le ‘āuai ‘o le Manu Sāmoa ‘i le ta’amilosaga fou ‘o le World Rugby Nations Cup lea ‘e ‘āmata ‘i le 2026, fa’atasi ai ma Kānata, Chile, Georgia, Hong Kong China, Potukale, Romania, Sēpānia, Tonga, Uruguay, USA ma Zimbabwe.  

Link to World Rugby News (Article) translated: https://www.world.rugby/news/1018747/qualification-fqt

ATA: World Rugby News.