Tele vala’au ‘i le Matāgāluega ‘o A’oga ma ‘īmeli ‘i oneone mō tā’aloga ‘a tamaiti

Na fa’aalia ‘e le sui palemia David Seymour, ‘e tele ni ā’oga fa’apea ma a’oa’oga ‘āmata na fa’afeso’ota’ia le Matāgāluega ‘o Ā’oga ‘e uiga ‘i le asbestos ‘o maua ‘i totonu ‘o oneone lanu ‘ese’ese ‘e fai ai tā’aloga ‘a tamaiti. 

‘Ua iai le fa’atonuga ‘e toe fa’afo’i ai ni oneone lanu ‘o le Rainbow sand mai le Educational Colours ma le Creatistics ‘ona ‘o le Tremolite, ‘o se asbestos ‘o lo’o maua ‘i ia oneone ‘ina ‘ua faia ‘i ai se su’esu’ega.  Na tā’ua ‘e le Matāgāluega ‘o Ā’oga, ‘e 24 ā’oga ma a’oa’oga ‘āmata ‘ua tāpunia ‘ina ‘ua maua ai le asbestos ‘i oneone, ma ‘ua fa’afeso’ota’i fo’i ā’oga ‘e 400 fa’atasi ai ma a’oa’oga ‘āmata ‘e 150 ‘e uiga ‘i lea fa’afītāuli.  ‘E ogaoga fa’afītāuli ‘e o’o ‘i le soifua mālōlōina ‘o le tagata ‘e pei ‘o le kānesa ‘o le māmā pe ‘ā saofia ‘i le ‘ea ma mānavaina ‘e le tagata.

Link to RNZ (Article) translated: https://www.rnz.co.nz/news/national/579184/education-ministry-gets-hundreds-of-calls-emails-over-play-sand-contamination-seymour

ATA: Supplied / Product Safety NZ (RNZ).