Faia’ina le Uber ‘i le Fa’amasinoga Sili

‘Ua tē’ena ‘e le Fa’amasinoga Sili le talosaga toe ‘apili ‘a le Uber ‘e fa’asaga ‘i le fa’atūlagaga ‘o ‘aveta’avale ‘e fa’apea ‘o ni tagata faigāluega.  ‘E to’afā ni ‘aveta’avale Uber na faia sa lātou tagi ‘i le Fa’amasinoga mō matā’upu ‘i Gāluega ‘i le tausaga ‘e 2022 ‘e fa’atatau ‘i lo lātou tūlaga ‘i totonu ‘o le gāluega.

Na o lātou fīnau ‘e tatau ‘ona ‘avea ‘aveta’avale ‘o ni tagata faigāluega ‘ae lē ‘o nisi ‘ua fa’akonekarate ma ‘ia agava’a ‘i ni fa’amanuiaga ‘e pei ‘o aso mālōlō po’o livi, totogi ‘i aso mālōlō fa’apea ai ma le totogi ‘i le totogi ‘āmata po’o le minimum wage.

Na taliaina ‘e le Fa’amasinoga ‘e iloilona matā’upu tau ‘i gāluega po’o le Employment Court, le tagi ‘a ‘aveta’avale, ‘ae na toe ‘apili ‘e le kamupanī ‘a le Uber le fa’ai’uga ‘i le Fa’amasinoga ‘o Talosaga toe iloilo ‘i le 2024, ma ‘e le’i manuia.  Na toe ‘apili ‘e le Uber lea fa’ai’uga ‘i le Fa’amasinoga Sili, peita’i, na le’i taliaina lava. 

Link to RNZ (Article) translated: https://www.rnz.co.nz/news/business/579127/uber-loses-supreme-court-appeal-over-drivers-employment-status

ATA: NZME