Tāofi le ta’avale ‘a le Komesina ‘o Leoleo ‘ina ‘ua malaga ‘i le 112 km/h

Na ta’utino ‘e le Komesina ‘o Leoleo Richard Chambers, sa le’i ano ‘i lana gāioiga na faia ‘ina ‘ua tāofi ‘o ia ‘ona ‘o le saosaoa ‘o lana ta’avale ‘i le vāiaso talu ai.  Sā faia se saunoaga ‘a le komesina ‘i le fa’au’uga ‘o ni leoleo fou ‘i Porirua ‘i le Aso Tofi, lea na ia fa’ailoa ai ‘i leoleo fou na maua lana sala ‘ona ‘o le saoasaoa ‘o lana ta’avale, na alu ‘i le 112 kilomita ‘i le ītūlā.  Na saunoa Chambers ‘iā ‘i lātou na potopoto ai, ‘o se mea pito sili ‘ona fa’avalevalea lea na ia faia ‘a’o ia ‘o se komesina.

Na fa’aalia ‘i se rīpoti na fa’alauiloaina ‘i le vāiaso nei ‘a le Pūlega Fa’atūma’oti ‘e iloiloina tū ma aga ‘a Leoleo, le ogaoga tele ‘o ni āmioga ma gāioiga lē talafeagai mai le fa’atumutumuga ‘o le matāgāluega ‘e aofia ai lē sā ‘avea ma Komesina, Andrew Coster, ‘i le tūlaga na tali atu ai ‘i tu’ua’iga ‘o āmioga matagā ‘a se tasi na ‘avea ma sui komesina ‘o leoleo, Jevon McSkimming.

Na saunoa Chambers ‘i leoleo fou, ‘ina ‘ia a’oa’o mai ni a lātou mea sesē ‘e faia.

Link to RNZ (Article) translated: https://www.rnz.co.nz/news/national/578778/police-commissioner-richard-chambers-pulled-over-for-speeding-at-112km-h

ATA: RNZ / Samuel Rillstone