Filifilia Anna Breman ‘e ‘avea ma kōvana tama’ita’I muamua mo le Faletupe Fa’aleoleo ‘a Niu Sila

‘Ua filifilia le tama’ita’i muamua Anna Breman ‘e ‘avea ma kōvana tama’ita’i muamua mō le faletupe fa’aleoleo a Niu Sila, pei ona fa’asilasila ‘e le Minisitā o Tupe Nicola Willis ‘i le aso ananafi. ‘O Breman na ‘avea ma sui kōvana ‘o le fale tupe fa’aleoleo mō Sweden talu mai le 2019.

‘E pē ā ma le to’a 300 tagata na faia iai le filifiliga muamua, fa’aitiitia lea fuainūmera ‘i le 10, se’ia o’o lava ‘i le to’afā na faia iai le filifiliga lea na tōfia ai Anna Breman. ‘E nate tau’aveina le fa’ailoga ‘o le tōfāmanino ‘i matā’upu tau ‘i le tamāo’āiga mai le Stockholm School of Economics.

Na fa’aalia ‘e le so’o’upu ‘a le mō Tupe a le Leipa Barbara Edmonds, ‘ua tāpena ma fiafia la te gālulue fa’atasi ma Breman ‘i le lumana’i. ‘O le ‘ā sui tūlaga iā Christian Hawkesby ‘o lē ‘o lo’o ‘avea ma kōvana o le faletupe fa’aleoleo ‘i le taimi nei. ‘O le aso muamua ‘o Tēsema ‘e amata tau’ave ai lona tofiga mo le isi lima tausaga.

Link to RNZ (Article) translated: https://www.rnz.co.nz/news/political/573971/anna-breman-announced-as-new-reserve-bank-governor

ATA: Sveriges Riksbank (RNZ).