Faitioina ‘e Winston Peters ‘ia David Seymour

‘Ua faitioina ‘e le Minisitā ‘o le Vā ‘i Fafo Vaovasamanaia Winston Peters, le Sui Palemia David Seymour, ‘i lona talanoa ‘i matā’upu ‘e lē lava ‘i ai lona silafia, ‘e fa’atatau lea ‘iā Pālesitina, peita’i ‘ua tē’ena ‘e Seymour ia tu’uā’iga.  ‘Ua iai se fuafuaga po’o se fa’ai’uga ‘a le Kapeneta ‘e ui ‘e le’i fa’ailoaina se’ia o’o ‘i le taimi ‘e faia ai se saunoaga ‘a Vaovasamanaia ‘i le fa’afīnauga tele ‘i le Fono Tele ‘a Mālō ‘Aufa’atasi ‘i Niu Ioka ‘i le vāiaso ‘ā sau.

Na tali Seymour ‘i fesili ‘e fa’atatau ‘i le matā’upu ma na ia ulua’i saunoa, ‘o le ‘ā fa’asilasila āloa’ia ‘e le minisitā ‘e fītoi tonu ma le matā’upu ‘i le taimi talafeagai le fa’ai’uga ‘a le mālō.  Na saunoa ‘e uiga ‘i le tūlaga ‘o la lātou vāega fa’a’upufai ‘i lea matā’upu, ‘a’o le’i fesiligiaina po’o le ā sona finagalo, pe mo’omia ‘ona fa’asa’oloto tagata ‘o lo’o taofia fa’apāgotā ‘ina ‘ia mafai ai ‘e Niu Sila ‘ona āmana’ia Pālesitina.

Na saunoa Seymour na te lē āmana’iaina se mālō ‘o lo’o fa’a’au’upegaina tagata ‘o lo’o taofia fa’amālosi, ma taofia mō tausaga ‘e tele ni tagata ‘i ni faiga ‘e lē tusa ai ma le soifuaga.  Na saunoa Vaovasamanaia ‘i le aoauli ananafi, ‘e lēai se pule ‘a Seymour ‘e faia ai sana fa’amatalaga.  ‘E lē ‘o le tūlaga lea ‘o le mālō ma ‘e fa’ailoa ma fa’amatala ‘e Matāgāluega ‘o le Vā ‘i Fafo ma ‘o le fa’alua ai lea ‘ona talanoa ‘o se tagata ‘i se matā’upu ‘e lē o’o ‘i ai lona iloa po’o lona mālosi.

Link to RNZ (Article): https://www.rnz.co.nz/news/political/573340/winston-peters-scolds-david-seymour-for-talking-out-of-his-field-on-palestine

ATA: RNZ / Samuel Rillstone