Totogi ‘e le ANZ le faitau miliona ‘ona ‘o le faia ‘o ni fa’amatalaga sesē ma le iloa

Na ta’utino ‘e le ANZ le faia ‘o ni fautuaga po’o ni fa’amatalaga lē sa’o ma le iloa, ‘i ni matā’upu se lua, lea na māfua ai ‘ona silia ma le 4 miliona tālā na fa’atonuina tagata ‘e totogi.

Na fa’aalia ‘e le Pūlega ‘o Maketi tau tupe, ‘ua ‘ioe le faletupe pito telē ‘i Niu Sila ‘i lona solia ‘o tu’utu’uga ‘i lalo ‘o le tūlāfono, ma ‘ua ‘ioe ‘e totogi se tupe aofa’i ‘e $3.25 miliona ‘i le mālō, ‘ae lē ‘o se fa’asalaga ‘i lalo ‘o le Tūlāfono ‘o Amioga ‘i Māketi Tau Tupe.  ‘O le sasi muamua ‘o le faletupe, ‘o le sesē ‘o ni tau fa’apea ma ni tului ‘i teugātupe ‘a tagata ‘ona ‘o le ‘ova ‘o tupe ‘e tala ‘ese ma teugatupe ‘i taimi ‘e lē lava ai a lātou teugatupe ‘i le faletupe, ‘i le vā ‘o le aso 20 Tēsema 2012 ma le 31 Mē 2023, ma ‘e 209,960 tagata ‘e teu a lātou teugātupe ‘i le ANZ na a’afia ai. 

‘E $4,373,972 le tupe aofa’i, na aofia ai ma le $879,078 ‘o tului ‘i tupe na sesē ‘ona fa’atonuina tagata ‘e totogi, ‘ina ‘ua taumafai ‘e tala ‘i tua ni tupe mai teugātupe, ‘ae le’o lava tupe ‘o iai.  Na tā’ua ‘e fa’apea, ‘ua māe’a ‘ona toe totogi ‘e le ANZ ia tupe ‘i tagata ‘uma lava na a’afia ai ma taumafai fo’i ‘e fa’afeso’ota’i ‘uma nisi tagata sā fai ai teugātupe ‘i le faletupe.  

Link to RNZ (Article) translated: https://www.rnz.co.nz/news/business/572425/anz-to-pay-millions-to-settle-false-representations-case

ATA: AFP (RNZ).