Taufa’asesē tau ‘a le City Fitness na fa’asalalau

‘Ua mōlia ‘i le tūlāfono le kamupanī pito telē ‘o fale toleni ‘i le atunu’u, le City Fitness ‘ona ‘o tau ‘e totogi ‘e tagata ‘e fa’aaogāina la lātou ‘au’aunaga.  (membership prices).  ‘Ua mōlia ‘e le Kōmisi mō mataupu tau ‘i pisinisi, le kamupanī ‘a le City Fitness ‘i mōliaga ‘e 16 ‘i lalo ‘o le Tūlāfono ‘o Fefa’atauā’iga Talafeagai.

‘O le mau ‘a le Commerce Commission, ‘ua ta’ita’iina sesē tagata ‘i tau ‘o fa’asalalau ‘a le City Fitness ma ‘o le mau ‘a le Komisi, ‘e le’o tu’ua ‘i ai ‘i totonu ‘o le fa’asalalauga ‘e le faletoleni, le tau lea ‘e fa’amālosia ‘ona totogi ‘e so’o se tagata, ‘ae sā tatau ‘ona aofia ai ‘i totonu ‘o le fa’asalalauga. 

Na saunoa Sahar Lone ‘o le Consumer NZ, ‘e lē tatau ‘ona mo’omia ‘e tagata se calculator ‘e fa’avasega ai pe fia le tau ‘e tatau ‘ona totogi ‘o lana membership ‘i le fale toleni.  Ma ‘e fōliga mai, ‘o tau ia ‘e va’ai atu ‘i ai tagata ‘o lo’o fa’asalalauina mai, ‘e lē ‘o tau ia ‘o lo’o lātou totogiina.

Na fa’aalia ‘e Lone, ‘e tai fa’apea fo’i ni fa’aseā ‘e fa’ao’o atu ‘e uiga ‘i le fa’atauga ‘o paka ‘o ta’avale, ‘o pepa ulufale ‘i fale tīfaga ma fale’oloa po’o kamupanī ‘o fa’atauina atu tickets. 

Link to RNZ (Article) translated: https://www.rnz.co.nz/news/national/572580/city-fitness-advertised-membership-prices-misleading-commerce-commission

ATA: SCR (file).