Mōmoli le fa’amālō ‘a Niu Sila ‘i le faigāmālō fou ‘a le FAST

‘O le aoāuli nei na feiloa’i atu ai le Palemia ‘o Niu Sila Rt Hon. Christopher Luxon ‘i le Palemia filifilia ‘o Sāmoa Hon. La’aulialemalietoa Polata’ivao Schmidt ‘i feso’ota’iga televavave, mā na mōmoli aloā’ia ai le fa’amālō ‘a le Mālō Niu Sila ‘i le Mālō fou, ‘i le māe’a ai ‘o le faigāfilifilga aoao ‘i le vaiaso na mavae atu nei.

Na mōmoli fo’i le fa’amālō ‘a le Ministia ‘o le Vā ‘i Fafo ‘a Niu Sila Rt Hon. Vaovasamānaia Winston Peters ‘i le vāega fa’a’upufai ‘a le Fa’atuatua ‘i le Atua Sāmoa ‘Ua Tasi. Fa’ailoa ‘e Vaovasamānaia ‘i lana tusitusiga ‘i le X, ‘o lo’o tulimata’i atu Niu Sila ‘e gālulue ma le faigāmālō fou ‘a le FAST.

ATA: Screenshots / X (PM Luxon & Winston Peters) – FAST/CHOGM 2024