Su’esu’e pe ‘aiseā na motusia ai feso’ota’iga ‘au’aunaga ‘e pūleaina feoa’iga ‘a va’alele

‘E lē māsani a’i le poloka ‘o polokalame ‘i malae va’alele ‘e pūlea ma fa’asoa ai le tūlau’ele’ele ma le tu’uva’a ‘ese atu ‘o va’alele peita’i, ‘o le tūlaga lea ‘o le ‘ā faia ‘i ai se su’esu’ega ‘āto’atoa ‘e tusa ai ma se fa’amatalaga ‘a se fa’alāpotopotoga tūma’oti mō va’alele sivili.

Na fa’alētonu feso’ota’iga fa’atēkonolosi ‘o lo’o fa’atautaia ai lea ‘au’aunaga ‘i le pō ‘o le Aso To’ona’i, na māfua ai ‘ona lē mafai ‘ona tūlau’ele’ele nisi faigāmalaga, ‘a’o nisi na toe fa’afo’i pe na taofia fo’i ‘e lē mafai ‘ona tu’uva’a ‘ese. 

Na tā’ua ‘e le Airways New Zealand, ‘o lea fa’alētonu, na ‘āmata mai ‘i le ‘afa ‘o le fā ‘i le afiafi ‘o le Aso To’ona’i, ma fa’alētonu ai malaga ‘i Niu Sila ma ‘Ausetālia, ‘ae na toe fa’aleleia ‘i le ‘afa ‘o le 5.  ‘E lima ni malaga na tāofi ai lava ‘i luga ‘i le ‘ea pe tusa ma le 40 minute.  ‘E tolu na toe liliu mai ‘i Niu Sila ‘ae lua na mafai ‘ona toe fa’aauau ‘i malae va’alele na fuafua ‘e taunu’u ‘i ai. 

Link to RNZ (Article) translated: https://www.rnz.co.nz/news/national/570212/air-traffic-control-systems-outage-will-be-scrutinised-industry-figure-says

ATA: Flight Radar / RNZ