Alia’e ni fa’afīnauga ‘ona ‘o tamaiti ta’i 14 tausaga ‘o aofia ‘i le ‘au lakapi First XV ‘a se kolisi ‘i le Motu ‘i Saute

‘Ua fa’aalia ‘i līpoti ‘a le Leitiō Niu Sila, ‘e to’alima tama ā’oga ‘e i vasega 14, pe ‘ua mātutua atu fo’i, ‘o lo’o ‘i le ‘au lakapi le first XV ‘a le Kolisi ‘a tama ‘i Marlborough ‘i lenei ta’amilosaga.  ‘Ua lagalagā ai atugaluga ‘o nisi, ‘i le lē mulimulita’ia ‘o aiāiga ‘o lea tauvaga, ‘o le Miles Toyota Premiership.  ‘O tamaiti ia, ‘e toe fo’i atu ma ‘ātoa ai le 6 ‘o tausaga ‘i le kolisi po’o ā’oga maualuluga ‘ona ‘o ta’aloga.

Na fa’aalia ‘e se tasi ‘o mātua, ‘e to’atele tagata ‘i Blenheim ‘e le’o fiafia ‘i lea faiga.  ‘E iai tagata ‘o lo’o fiafia ‘ona ‘ua mafai ‘e Marlborough ‘ona finau ma ā’oga tetele ‘a Kalaiesetete ma fa’afaiā’ina le ‘au ‘a le Kolisi ‘a Nelesoni.  Peita’i, ‘o le ‘auala ‘o lo’o lātou ‘ausia ai lea tūlaga, ‘e matuā fesiligia lava ‘i lona māfaufau. 

‘O lo’o fīnau atu fo’i le faiā’oga ‘a le first XV ‘a le Kolisi a Tama ‘a Marlborough, Tonga Taumoefolau, ‘ona ‘o tu’ua’iga ‘e fa’apea ‘e le’o pāleni le malae ta’alo ma ia fesiligia le māfua’aga ‘o manatu ‘o tagata ia ‘e fīnau atu.   ‘O lo’o tūlaga lua le Marlborough Boy’s College ‘i le ta’amilosaga, ‘e lima o lātou manumālō mai ta’aloga ‘e lima, tūlaga muamua le Christchurc Boy’s High School, ‘i le ‘ai fa’aopoopo ‘o le pōnesi.  Na saunoa Taumoefolau, ‘e na’o le to’alua tama tausaga 14 ‘e le’o iai ‘i le ‘au ta’aalo muamua, ma ‘e na’o le to’atolu tama ia ‘e tā’aalo ‘āmata.

Link to RNZ Article translated: https://www.rnz.co.nz/news/in-depth/563849/eligibility-row-erupts-over-five-year-14s-in-controversial-marlborough-boys-college-first-xv

ATA: Chris Symes / www.photosport.nz (RNZ).