‘O ai ‘e manuia mai le $2 piliona ‘o tupe fa’aagaga mō fale ‘i tausaga ta’itasi?

‘E silia ma le $2 piliona ‘e totogi atu ‘i tausaga ta’itasi mō tagata ma ‘āiga ‘e maualalalo tupe maua ‘e fesoasoani ‘i le totōgiga ‘o fale nofo mautotogi, peita’i, na fa’aalia ‘i se sā’ili’iliga fou mai le Iunivesitē ‘o ‘Aukilani, ‘e le’o mafai ‘ona maua ai se mapusaga ‘o nai tagata nonofo mautotogi.

Na fa’atusatusa ‘e Polōfesa lagolago Edward Yiu ma Dr William Cheung mai le Iunivesitē ‘o ‘Aukilani le tau ‘o le nofo mautotogi ma le tupe maua fa’apea le ‘au totogi mōkesi ma tupe maua ‘a ‘āiga ‘Aukilani ‘e mauaina ia fa’amanuiaga ma ‘āiga ‘e lē agava’a ‘i ai.

Ma sā fa’aaogāina ai fa’amaumauga mai le 2019 ‘e o’o mai ‘i le 2023, ma sā o lā māua ai, ‘o lea vaegātupe fesoasoani mō fale, ‘e matuā lē fa’aleleia ai lava le tūlaga gafatia ‘o tau ‘o fale.  ‘O tagata ia ‘e mauaina lea tupe mai le mālō, ‘e sili atu isi tupe lātou te fa’aaluina ‘i fale nofo mautotogi nai lō tagata ‘e le’o mauaina.  ‘Ua māua ‘i nisi sā’ili’iliga, ‘e tasi’i ‘e landlords po’o tagata ‘e ana fale nofo mautotogi tau ‘o fale, ‘e tali ai ‘i fa’amanuiaga ia ‘e maua ‘e nai ‘āiga. 

‘E fua le aofa’iga ‘o le tupe ‘e maua ‘e le ‘āiga ‘i accommodation supplements ‘i vāega ‘o Niu Sila ‘o lo’o nonofo ai ma le tau ‘o fale ‘o nonofo ai.  ‘O se tagata nofo to’atasi ‘e $500 sana tupe maua ‘i le vaiaso ‘ae lēai sana fānau, ‘ae na te totogiina le fale nofo mautotogi po’o le rent ‘e $450 ‘i le vāiaso ‘i se fale ‘i North Shore, ‘e na te mauaina se tupe ‘e o’o atu ‘i le $165 ‘i le vāiaso ‘o le tupe fesoasoani lea ‘e mai  le mālō.  ‘I le tausaga ‘e 2024, ‘e $2.104 piliona na fa’aaluina ‘i lea polokalame.

Link to RNZ (Article) translated: https://www.rnz.co.nz/news/business/557985/who-benefits-from-the-2-billion-of-accommodation-supplements-paid-out-annually

ATA: RNZ / Nate McKinnon