‘Ā o’o ‘i le isi taimi, ‘ona vili mai lea: Saunoaga ‘a Peters ‘iā Luxon ‘ona ‘o ana saunoaga ‘i tiute ‘a US

‘Ua fa’aleo le fa’agaulēmalie ‘o Vaovasamanaia Winston Peters ‘i le Palemia ‘e fa’atatau ‘i lana vala’au lea na talanoa ai ma isi ta’ita’i ‘o le lalolagi ‘e uiga ‘i tiute ma lāfoga ‘a le Iūnaite Setete ma ‘ua ia fautuaina fo’i faipule ‘ina ‘ia tau tu’utu’u ‘i lalo.

Na fa’aalia ‘e Vaovasamanaia ‘i le Leitiō Niu Sila, ‘e le’i talanoa atu Christopher Luxon muamua ‘iā te ia ‘a’o le’i faia ana telefoni ma ia saunoa ai, talosia ‘e maua ‘e le palemia ana fe’au ma vala’au muamua atu ‘iā te ia pe ‘ā o’o ‘i le isi taimi.

Sa si’i ‘e le Iūnaite Setete lāfoga po’o tiute ‘i le tau ‘o ‘oloa ‘a Saina ‘i le 125 pasene, ‘a’o tāofi ai mō le 90 aso, le si’itaga ‘o tiute ‘e tali atu ai ‘i isi atunu’u.  ‘Ua toe si’i ātili ‘e le Iūnaite Setete tiute ‘i ‘oloa ‘a Saina ‘i le 145 pasene.

Na talanoa Luxon ‘i ta’ita’i ‘o Indo-Pacific ma le Iuni ‘a ‘Europa ‘e sa’ili po’o fa’apēfea ‘ona lātou fa’auigaina le taua ‘i fefa’atauā’iga fa’atasi ai ma ni a’afiaga ‘e ono o’o ‘i o lātou tamāo’āiga. 

Na saunoa Vaovasamanaia mai Tonga, ‘e lē mo’omia le tali atu ‘i lenei taimi.  ‘Ae sa’ili muamua po’o ā vāega ‘o lo’o feagai ma Niu Sila.  ‘O lana finau mai le taimi na ulua’i ‘āmata mai ai tiute ‘a Trump, ‘o le gāluega ‘a Niu Sila, ‘ia matuā fa’aeteete, ma mānatunatu ‘i le tamāo’āiga ‘o Niu Sila ‘o le mea tāua lea.  ‘O lana fautuaga ‘i faipule, tu’utu’u ‘i lalo, fa’atali se’i iloa po’o le ā le mea ‘e tupu pei ‘ona saunoa Vaovasamanaia.

Link to RNZ (Article) translated: https://www.rnz.co.nz/news/political/557915/call-me-next-time-peters-disparages-luxon-s-tariff-talks

ATA: RNZ / Samuel Rillstone