Silia ma le 50 atunu’u mānana’o ‘e ‘āmata talanoaga ma ‘Amerika ‘ona ‘o tiute ‘o ‘oloa

‘E silia ma le 50 atunu’u ‘ua talosaga atu ‘i le Fale Pa’epa’e ‘e ‘āmata fa’atalanoaga ‘i fefa’ataua’iga talu ‘ona faia ‘e Peresetene Donald Trump ‘o le Iunaisetete se gāioiga ‘e fa’aopoopo ai tiute ‘a ‘Amerika ‘i tau ‘o ‘oloa ‘a atunu’u ‘e fa’atau atu ‘i lo lātou mālō.  ‘E lata ‘i le 6 turiliona tālā na fofo’e ‘ese mai tau ‘o siea ‘a le Iunaite Setete ‘i le vāiaso talu ai ‘ina ‘ua ‘āmataina lea faiga ‘e Trump.

Na fa’aalia ‘e le failautusi ‘o Tupe Scott Bessent, ‘e silia ma le 50 mālō ‘ua ‘āmata fa’atalanoaga ma le Iūnaite Setete talu mai le fa’asilasilaga ‘i le Aso Lulu talu ai.  ‘E le’i fa’ailoaina po’o ai ia atunu’u ‘e 50 ‘ae lē’o manino fo’i po’o le ā le ‘umi ‘o ia fa’atalanoaga.

‘E tusa ma le 10 pasene na pa’ū ai tau ‘o siea ‘i le Iunaite Setete ‘i aso ‘e lua talu ‘ona faia le fa’asilasilaga ‘a Trump. 

Na tā’ua fo’i le folafola ‘e Trump ‘o le toe fa’aopoopo ātili ‘o le 50 pasene ‘i tiute ‘o ‘oloa ‘a Saina ma ‘o le ‘ā ātili fa’aopoopoina ai le fevātaua’i ‘i fefa’atauā’iga.  Na ia tūsia fo’i ‘i luga ‘o ‘upega ‘o feso’otaiga, ‘e fa’apea, ‘o talanoaga ‘uma lava ma Saina ‘e fa’atatau ‘i ni fonotaga na talosagaina, ‘o le ‘ā fa’amutaina.

Link to RNZ (Article): https://www.rnz.co.nz/news/world/557360/more-than-50-nations-want-to-start-trade-talks-with-us-after-tariffs-trump-officials-say

ATA: SAUL LOEB (RNZ).