Mālō le Moana Pasefika ‘i le Hurricanes

‘O sikoa ‘e tolu ‘a le ali’i ‘o Miracle Faiilagi sā fesoasoani tele ‘i le manumālō ai ‘o le ‘au ‘a le Moana Pasefika ‘i le Hurricanes ‘a Uēligitone ‘i le Aso To’ona’i.  ‘E to’atele le ‘au tāpua’i ‘a le Moana Pasefika sā maimoaina lea tā’aloga ‘i le malae ‘o le North Harbour Stadium.

‘O le mālō muamua lea ‘o le Moana Pasefika talu ‘ona ‘āmata le ta’amilosaga, ma ‘o le vaiaso nei ‘o le ‘ā mālōlō ‘e lēai sa lātou tā’aloga, ‘a’o le Hurricanes ‘e malaga ‘i Dunedin ‘e tā’a’alo ai ma le ‘au ‘a le Highlanders ‘i le afiafi ‘o le Aso Faraile.

ATA: Michael Thomas/ActionPress (RNZ).