Le lumana’i ‘o le lalolagi ‘i le Artificial Intelligence

Na fa’alauiloa ‘i luga ‘o le One News se fa’atalanoaga ‘a le ali’i su’esu’e sīnia ‘i le think-tank the Maxim Institute, Dr Paul Henderson, fa’asoa ‘i le lumana’i ‘o le lalolagi ‘o le ‘a iai,’i le fa’aāogāaga ‘o le Artificial Intelegence le AI, po’o le poto fa’afōliga ‘o masini tekonolosi. ‘Ua tele gāluega ‘ua a’afia talu ona ofi mai le AI, tele ina faia ‘e le AI gāluega, ‘ua lamatia ai gāluega ‘a tagata.

‘O le AI ‘e uiga ‘ese le fa’agaioiga. ‘E lē gata ina mafai ona galue lava ia, ‘ae ‘ua mafai ona suitūlaga ‘i tagata soifua. ‘E le’o toe faia ‘e le tele ‘o masini ni gāluega ‘e mo’omia ai se tagata moni, peita’i ‘ua fa’aaogā le AI ‘e au’ili’ili, fai ma fai filifiliga mō le masini. ‘O lona uiga ‘e lē gata ‘o galuega māsani ‘e a’afia ai,’ae ‘o loʻo iai foʻi galuega ‘e māualuluga tomai fa’aaogā, ‘o lo’o ‘i le tūlaga lamatia.

Fa’ailoa ‘e Henderson,’e le itiiti ifo ma le 10% ‘e mafai ona ‘ave’ese ‘i se taimi puupuu, ma le a’afiaga ‘i gāluega ‘e tusa ma le 40% ‘i le lalolagi. ‘O matāfaioi fa’afailautusi, pūlēga ma le ‘aufaipisinisi ‘o lo’o valo’ia ‘e matuā māualuga le nūmera ‘o gāluega ‘e suitūlaga iai le AI, ma le toe mo’omia ni tagata ‘e faia gāluega. ‘E o’o lava ‘i gāluega ma tofiga maualuluga, ‘e pei ‘o le ‘au su’esu’e, matāfaioi ‘a i lātou ‘e faia su’esu’ega tau tupe, ma gāluega ‘i faletupe, ‘ua ‘āmata ona faia ai fa’ata’ita’iga ‘i le AI.

Lea ‘ua fa’aaogā ‘e le JPMorgan le AI, ‘e faia gāluega mō le kamupani ‘i le 360,000 ītūlā ‘i le tausaga. ‘O fale’aiga ma isi ‘au’aunaga ‘o faletupe, ‘ua vave ma taugofie le fa’aaogāaga ‘o le AI nai lo’o le totogi ‘o tagata faigāluega. ‘O kamupanī gaosi ‘oloa ma femālāgaa’iga ‘o lo’o soso’o, pei ‘o loli ‘e mafai ona alu ‘e le mo’omia se tagata soifua. 

Link to 1News (Article): https://www.1news.co.nz/2025/02/21/what-the-rise-of-ai-means-for-the-future-of-work/

ATA: SCR (file).