1250 ‘e ono fa’aitiitia ai le nūmera ‘o faiā’oga ‘i Niu Sila pei ona lapata’ia ‘e le Matāgāluega ‘o Ā’oga

‘O le ‘ā tele ina lē lava faiā’oga ‘i ā’oga ‘i lenei tausaga, pei ona lapata’ia mai ‘e le Matāgāluega ‘o Ā’oga, ina ‘ua sesē nisi ‘o fa’amaumauga na māfua ai ona manatu fa’atauva’a ‘i le mana’oga na tu’uina mai muamua, ‘i le matuā mo’omia ‘o ni faiā’oga ‘i Niu Sila.

‘O le Fuafuaga fa’afaiā’oga fa’aletausaga na fa’asalalauina ‘i le tāeao analeila, na tā’ua ai ‘e mafai ona o’o atu ‘i le 1250 ‘e fa’aitiitia ai le nūmera ‘o faiā’oga ‘i le tausaga nei, ma ‘e ono toe fa’aopoopo lea fuainūmera.

‘Āfai ‘e lē lava le sapalai ‘o faiā’oga, ‘e mafai ona o’o atu ‘i le 3100 faiā’oga ‘e mo’omia, ‘ae ‘āfai ‘e māualuga le sapalai ‘o faiā’oga, ‘ātonu ‘e ‘ova le nūmera ‘i le 540. ‘I le 2023, na valo’ia ai ‘e le Matāgāluega le ‘ova ‘o faiā’oga mō le 2025, peita’i ‘ua fa’ailoa mai e lē sa’o lea tala.

Link to RNZ (Article) translated: https://www.rnz.co.nz/news/national/542546/schools-could-be-short-1250-teachers-this-year-ministry-of-education-warns

ATA: RNZ / John Gerritsen