To’a sefulu ‘ua māliliu ‘i lōlōga ‘i Kentucky ‘i ‘Āmerika

‘I ‘Āmerika, ‘a itiiti mai e to’a sefulu le aofa’i ‘o tagata ‘ua māliliu, ‘i lōlōga ma tāfega fa’afuase’i na māfua mai ‘i uiga loulouā na a’afia ai le itūlagi ‘i sautesasa’e ‘o le atunu’u ‘i le fa’ai’uga ‘o le vaiaso.

Na tā’ua ‘i se lipoti ‘a le SpotOn News ‘e fa’apea, ‘o le to’atele ‘o lātou ‘ua māliliu, na lipotia mai ‘i Kentucky lea na pālasi iai le tusa ‘o le fitu ‘īnisi ‘o le lōlōto ‘o le suātimu ma iloga ‘ona lōfia ai le Kentucky River ‘i tāfega mamafa.

‘Ua lapata’ia ma fautuaina ai ‘e le Kōvana ‘o Kentucky ‘o Andy Beshear tagata, ‘ina ‘ia fa’aeteete ma ‘ia tautuanā, uiga fa’alētonu ma le loulouā ‘o le tau ‘o lo’o a’afia ai lea vāega tele ‘o ‘Āmerika.

ATA: BBC