Fa’amāvae le Pule Sili ‘o ‘au’aunaga fa’afalema’i ‘a Niu Sila, le Afioga Fepulea’i Margie Apa

‘Ua fa’amāvae le Pule Sili ‘o le ‘au’aunaga fa’afalema’i ‘a Niu Sila, le Afioga Fepulea’i Margie Apa, ‘a’o toe fā māsina ‘o totoe ‘o lana konekarate – pei ‘ona iai se lā māliliega ma le komesina ‘o le Soifua Mālōlōina.

‘I se fa’asilasilaga na tu’uina mai ‘i le lata ‘i le 9 ‘i le tāeao analeilā, na fa’ailoa manino ai ‘e Fepulea’i, nate talitonu ‘o se taimi faigata lenei ‘i totonu ‘o le Matāgāluega ‘o le Soifua Mālōlōina, ma ‘o le ‘ā fa’ase’tuāgalu, ‘ae fa’aavanoa le tofiga auā nisi ta’ita’i fou ‘e pūleaina le Matāgāluega.

Na ‘āmata ona ‘avea Fepuleai Margie Apa ma pule sili ‘i le Te Whatu Ora, iā Fepuari 2022. Na fa’aalia ‘e le Komesina ‘o Soifua Mālōlōina Lester Levy, ‘o le fa’ai’uga na faia sā lā mālilie fa’atasi ai ma Fepulea’i. ‘O Fepuleai sā ‘avea ma Pule Sili ‘o le pūlega fa’afalema’i ‘a Counties Manukau. Saunoa le Minisitā ‘o le Soifua Mālōlōina Simeon Brown, ‘o le ‘ā fesoasoani ‘i lē ‘o lo’o ‘avea ma pule ‘i le taimi nei Dame Bramley, ‘a’o fa’agāsolo ai le tau sa’iliga ‘o se isi ‘e tau’aveina le tofiga. 

Link to RNZ (Article) translated by Anna Fa’asolo: https://www.rnz.co.nz/news/political/541173/te-whatu-ora-boss-margie-apa-resigns

ATA: Sāmoa Capital Radio (file).