‘O le pepe lea na maua ‘ua maliu ‘i totonu ‘o se ta’avale, sā līpotia na titinaina

‘Ua fa’aalia ‘i ni pepa ‘o fa’amaumauga ‘a le fa’amasinoga, ‘e fa’apea ‘o le tamaitiiti lea na maua ‘ua ‘uma lona ola ‘i ‘Aukilani ‘i Saute ‘i le māsina talu ai, na tā’ua ‘e fa’apea na pupuni ona fōliga ‘ina ‘ia ‘aua ne’i toe mānava. 

Na mōlia se taule’ale’a 37 tausaga le matua mai Conifer Grove, ‘i le fasioti tagata fa’amoemoeina po’o le murder, ‘ona ‘o se tamaitiiti na maua ‘ua ‘uma lona ola, ‘i totonu ‘o lana ta’avale ‘i le ‘āmataga ‘o Ianuari. 

Na tūla’i ‘i le Fa’amasinoga Maualuga ‘i ‘Aukilani ‘i le taeao ‘o le Aso Lulu, peita’i ‘e le’i tali ‘i ona mōliaga.  ‘E le’o mafai ‘ona fa’ailoaina ‘i lalo ‘o le tūlāfono, igoa ‘o lē ‘ua mōlia fa’atasi ai ma le tamaitiiti ‘ua ‘uma lona ola.  ‘O le tausaga ‘ā sau ‘i le māsina ‘o Me, lea ‘ua toe fa’atūlaga ai se aso ‘o lona fa’amasinoga.

Link to RNZ (Article) translated by Savelina Kasiano: https://www.rnz.co.nz/news/national/540966/child-found-dead-in-car-was-allegedly-smothered

ATA: RNZ / Simon Rogers