Feiloa’i ta’ita’i ‘o mālō tetele ‘o le lalolagi, Donald Trump, Xi Jinping ma Vladmir Putin

‘O le Aso Tofi taimi Niu Sila na feiloa’i ai le Peresenete ‘o Amerika Donald Trump, Vladimir Putin ‘o Lūsia ma Xi Jinping ‘o Saina ‘i Shenzhen ‘ Saina, ‘e talanoaina matā’upu tau ‘i le fīlēmū ma le saogālēmū ‘o le lalolagi.
‘E tusa ma le 70 mīnute le ‘umi ‘o lea feiloa’iga, ma sā fa’amoemoe ‘e talanoaina ai le taua ‘i le vā ‘o Ukraine ma Iran, fa’apea le fa’aitiitia ‘o au’upega fa’aniukilia. Peita’i. ‘e leai se māliliega tele na ‘ausia fa’atatau ‘i ia matā’upu.
Na taula’i talanoaga ma māliliega ‘i le toe fa’aleleia ‘o matā’upu ‘i Mālō ‘Aufa’atasi, ‘e ‘iai le fa’alauteleina ‘o le gaosiga ‘o le suāu’u ma le fa’atapula’aina ‘o mālosi’aga ‘o le fa’amasinoga fa’avāomālō ‘i Soligātūlāfono le ICC.
Na tā’ua ‘e Trump, ‘o se feiloa’iga tāua ma iloga ‘i le tala fa’asolopito, ‘ae na fa’aalia ‘e tagata su’esu’e, ‘e lē lava se feiloa’iga se tasi ‘e fō’ia ai fa’afītāuli tetele ‘o lo’o feagai nei ma le lalolagi. Na talanoaina fo’i ‘e Trump ma Xi matā’upu tau ‘i fefa’ataua’iga, ‘e aofia ai Taiwan ma le sapalaiina ‘o le suāu’u mai Sasa’e Tūtotonu.
‘E le’i ‘iai se māliliega fou na fa’alauiloa ‘e fa’amuta ai le taua, ‘i le feiloa’iga ‘a Trump ma Putin. ‘e ui na fa’aalia ‘e ta’ita’i ‘e to’atolu le lelei ‘o ā lātou talanoaga, ‘ae o lo’o tūmau pea le tele ‘o fe’ese’esea’iga fa’avāomālō, ‘aemaise ‘i matā’upu tau ‘i taua ma au’upega fa’aniukilia.
Link to 1News (Article): https://www.1news.co.nz/2026/11/20/trump-xi-and-putin-sit-down-for-historic-three-way-talks/
IMAGE/ATA: The White House Facebook
