Toe fa’ama’amulu Opetaia ‘ona ‘o se manu’aga ‘i lona lima

‘Ua toe fa’ase’etuāgalu Jai Opetaia mai lana fusu’aga ‘i le māsina fou ‘ona ‘o se manu’aga ‘i lona lima pei ‘ona ia fa’ailoaina ai ‘i luga ‘o le Instagram. ‘O le fusu’aga lea na fuafuaina ma Deontay Wilder ‘i le paga mamafa. Na ia fa’ase’e ‘ese mai le fusi ‘o lo’o ia tau’aveina ‘o le WBA Cruiserweight ‘i le ‘āmataga ‘o le māsina nei, ‘ina ‘ua fuafua ‘e faipelē ma le ali’i sā siamupini ‘i le paga mamafa ‘a ‘Amerika, mā ‘o se tasi ‘o paga ‘o le fusu’aga tele ‘i le vā ‘o Tyson Fury ma Anthony Joshua ‘i le aso 11 Tēsema.
Na fa’ato’ese Opetaia ‘iā Wilder ma lana vāega ‘ona ‘o lona toe fa’ase’e ‘ese mai le fusu’aga. Na fa’aalia ‘e Mick Francis, se tasi ‘o fa’alauiloaina fusu’aga ‘a Opetaia, na a’afia le ‘a’ao ‘o le ali’i fusu ‘i le taimi ‘o le faipelēga ma Noel Mikaelian ‘i le māsina ‘o Sētema ‘ae na toe fa’ateteleina ‘i taimi ‘o ana tolēniga. ‘O le taimi nei ‘o le ‘ā taula’i tasi ‘ina ‘ia toe ‘āto’atoa lona mālosi ma fa’aauau pea ‘ona fīnau ‘ia ‘avea ma siamupini ‘o le lalolagi ‘i le paga ‘o le cruiserweight.
Link to RNZ (Article): https://www.rnz.co.nz/news/sport/2673496/boxing-opetaia-pulls-out-of-wilder-bout-due-to-hand-injury
IMAGE/ATA: Jai Opetaia Facebook
