Fa’asala faiā’oga ‘a le Springbok Rassie Erasmus mō ta’aloga ‘e ono

‘Ua fa’asalaina le faiā’oga ‘a le Springbok ‘a ‘Aferika ‘i Saute ‘o Rassie Erasmus mō ta’aloga ‘e ono ma ‘ua vave fa’amamaluina fo’i lea fa’asalaga. ‘Ua māfua lea fa’ai’uga ‘ona ‘o ni ana saunoaga na faia ‘e fa’atatau ‘i laufalī sa fa’afoeina le ta’aloga lea na faia’ina ai le Springboks ‘iā Falani, 21 ‘i le 19, pei ‘ona fa’aalia ‘e le Lakapī ‘a le Lalolagi.
Na fa’aalia ‘e Erasmus, ‘ātonu e iai lava ni gaioiga na faia ma le fa’amoemoe ‘e “fa’asesē ai le ta’aloga”, ma na lē ano fo’i laufalī ‘i ni gaioiga se 17 ‘a le ‘au ‘a Falani, lea na fa’apā’u’ū ai ‘i tulivae ‘i le taimi ‘o le ta’aloga (knee-drop tackles), ‘a’o le’i tapu’eina la lātou ‘au. Na saunoa fo’i Erasmus, ‘ātonu na ‘ese fo’i le faiga ‘o fa’ai’uga ‘o lana ‘au pe ‘ā o’o ‘ini tā’a’alo ‘e lē talafeagai, fa’atusa ‘i ‘au ‘a le Hemisifia ‘i Mātū.
Link to RNZ (Article): https://www.rnz.co.nz/news/sport/2648000/springbok-coach-rassie-erasmus-suspended-for-six-matches-over-tmo-criticism
IMAGE/ATA: Springboks Facebook
