Siamupini ‘Ausetalia ‘i le Ipu ‘o le Lalolagi 2026 ‘s Ali’i ma Tama’ita’i

Na tauāluga anapō le ta’amilosaga mo le Ipu ‘o le Lalolagi ‘i le ta’aloga ‘o lakapi liki, ma ‘ua toe manumālō ai ‘Ausetalia ‘i le vaega ‘o ali’i fa’apea fo’i ma le vaega ‘o tama’ita’i.
‘O le su’egāfusi ‘i le vā ‘o le Kangaroos ma le Kiwis ‘a Niu Sila ‘i Brisbane, na mamao ai le mālō ‘o ‘Ausetalia ‘i ‘ai ‘e 32 ‘i le 12 ‘a Niu Sila.
‘Ae na muamua mālō le Jillaroos ‘i le Kiwi Ferns ‘a Niu Sila, ‘i le Ipu ‘o le Lalolagi ‘i le vaega ‘o tama’ita’i. ‘O ‘ai ‘o lea ta’aloga ‘e 34 ‘Ausetalia ‘i le 10 ‘a Niu Sila.
‘Ua fa’afā ai nei taimi ‘ua siamupini ai le ‘au ‘a tama’ita’i ‘Ausetalia ‘i le Ipu ‘o le Lalolagi ‘i le ta’aloga ‘o lakapi liki.
IMAGE/ATA: Australian Kangaroos / Jillaroos Facebook
