Fa’amaonia ‘e le komiti fa’atonu le tupe fa’a’aitālafu ‘a le RNZ ‘e lē fa’atagaina ‘i le tūlāfono

‘Ua fa’amaonia ‘e le Leitiō Niu Sila, na sainia ‘e le komiti fa’atonu, sa lātou talosaga mō se tupe fa’a’aitālafu ‘e ‘ova atu mai la lātou tupe ‘oi le faletupe ‘e 5 miliona tālā (overdraft), ma ‘o se faiga na solia ai le tūlāfono ‘o le Crown Entities po’o fa’alāpotopotoga ‘a le mālō. 

Na fa’ailoa ‘i le Aso Gafua ‘e le leitiō fa’asalalau, le lata ‘i le 12 miliona tālā ‘o se tupe gau mai la lātou tala ‘o le tupe.  Na tali le pule sili Paul Thompson ‘e fa’apea ‘o līpoti ‘a le ‘au’aunaga lava lātou, na fofola atu ai se ata lē sa’o ‘o a lātou tupe, ‘ae na fa’ato’ā manino lava ‘i le māsina ‘o ‘Oketopa, le tupe sa’o na gau. 

Na fa’ailoa mai ‘e le RNZ ‘e $5 miliona le tupe fa’aopoopo (overdraft) na fa’atūlaga ‘e ‘avea ma puipuiga tau tupe mō le RNZ, pe ‘a fai ‘e tuai ‘ona fa’amāe’a se tasi ‘o ana fa’atauga ‘o fanua. ‘O le fa’amoemoe, ‘ina ‘ia mafai ai ‘e le kamupanī ‘ona fa’atautaia ni tupe fa’alu tetele ‘e ono fa’afuase’i ‘ona tūla’i mai. Peita’i, ‘e le’i fa’aaogāina lava lea tupe.

‘E tusa ai ma le tūlāfono, ‘e mana’omia ‘e le RNZ le fa’atagaga ‘a ni minisitā se to’alua ‘a le Mālō ‘a’o le’i mafai ‘ona nonōina se tupe. ‘O le taimi mulimuli na maua ai lea fa’atagaga ‘o le tausaga ‘e 2006, mō le nonōina ‘o se tupe ‘e o’o atu ‘i le $3.5 miliona.

‘I le polokalame ‘a le RNZ ‘o le Checkpoint, na ‘ioeina ai ‘e le Ta’ita’ifono ‘o le Komiti Fa’afoe ‘a le RNZ, Brent Impey, ‘ua solia ‘e le fa’alāpotopotoga le tūlāfono.

Link to RNZ (Article): https://www.rnz.co.nz/news/business/2550132/rnz-s-unlawful-overdraft-was-signed-off-by-the-board

IMAGE/ATA: RNZ.