Mānana’o le ACT ‘e fa’aulu tamaiti ‘e pē ā ma le to’a 10,000 ‘i Charter Schools ‘i le 2029

‘Ua finagalo le Vāega Fa’a’upufai a le ACT, ‘ia o’o atu i le 2029, ua ‘ausia le to’a 10,000 o tamaiti ‘e fa’aulu ‘i charter schools po’o ā’oga ‘ūmia fa’atūma’oti ae fesoasoani le mālō e fa’atupe. ‘E tu’uina atu fo’i ‘i Charter Schools ‘i pitonu’u ‘ese’ese fa’amoemoega ‘e tatau ona lātou ‘ausia, pei ona folafola ‘e le ta’itai o le ACT David Seymour ‘i Henderson ‘i le Aso Tofi.

Saunoa Seymour ‘o le ‘a fa’atuputeleina le suia ‘o isi ā’oga a le mālō ‘e ‘avea ma charter schools, pe ‘ā maualuga le nūmera o tamaiti ‘e mo’omia, ma lava le lagolago. ‘Ua fa’amāonia le telē o le aogā ‘o ā’oga ‘umia tūma’oti, fa’aalia ‘i i’uga o a’oa’oga ‘aemaise le matā’upu o le nūmera o lo’o a’oa’oina ‘i le vasega 3 aga’i le vasgea 10 ‘i totonu o ia ā’oga. Na folafola e le ta’ita’i o le Leipa Chris Hipkins, lātou te soloia charter schools pe ‘ā tula’i mai le faigāmālō.

Link to RNZ (Article): https://www.rnz.co.nz/news/politics_election-2026/2078887/act-wants-10-000-charter-school-enrolments-by-2029

IMAGE/ATA: RNZ / Nick Monro