Sā’ili’iliga – ‘ave’ese ‘e masini mata ‘o ‘aveta’avale mai ‘auala

‘I se sā’ili’iliga na faia, na iloa ai, toeitiiti lava ‘o ‘aveta’avale ‘uma ‘e iai ‘i totonu ‘o a lātou ta’avale ni touchscreens, na o lātou fa’aalia, ‘e iai taimi ‘e fa’alavelave ai masini ia, ‘iā ‘i lātou.  ‘E to‘atele atu ‘aveta‘avale ‘e sili ‘ona fiafia ‘i fa’amau ‘e ‘o’omi pei ‘ona māsani ai.

Na fa’aalia ‘i le sā’ili’iliga, ‘o le 93 pasene ‘o ‘aveta’avale, ‘e iai touchscreens po’o masini ia ‘e na’o le papa’i ‘i ai ‘o le tama’ilima ‘ona ola lea, na o lātou fa’aalia, ‘e fa’alavelave ia ‘o masini nei ‘iā ‘i lātou ‘a’o ‘ave le ta’avale. 

‘E to’a 476 tagata Niu Sila na fesiligia ‘i le sā’ili’iliga, na fa’atautaia ‘e le kamupanī ‘o le AutoSense, ma na tā’ua ‘e fa’apea ‘e lata ‘i le kuata ‘o ‘aveta’avale ‘e iai touchscreens, ‘e māsani ‘ona fa’alavelave ia masini ‘iā ‘i lātou.

Na fa’aalia ‘e Allister Wade ‘o le AA, ‘ua ‘ave’ese masini mai tamaiti, ‘ae ‘ua tu’u atu ‘i tagata mātutua.  Na a’oa’oina ‘aveta’avale ‘ina ‘ia tu’u ‘uma lima ‘e lua ‘i luga ‘o le foeuli, ‘ae ‘o le suiga ‘ua iai, ‘ua fa’atonuina tagata ‘e mulimuli ma usita’i ‘i le tēkonolosi, ma ‘ave’ese ai ma lima mai le ‘ave ‘o le ta’avale. 

Link to RNZ (Article): https://www.rnz.co.nz/news/business/1654168/rising-diesel-price-could-make-rest-of-year-more-expensive-for-households

IMAGE/ATA: Quin Tauetau/RNZ.