Folafola ‘e le NZ First le fa’aitiitia ‘o lāfoga mō pisinisi lāiti ‘i le 20%

‘Ua folafola ‘e le NZ First ‘e lātou te fa’aitiitia lāfoga mō pisinisi lāiti ‘i le 20 pasene, pe ‘ā manumālō mai le pālota. Na fa’alauiloa e le pātī, ‘o le’ā fa’aitiiita mai le 28 pasene ‘i le 20 pasene, ‘o se la’asaga ua leva ona mana’omia, ‘e una’ia ai tupe teu fa’afaigāluega, fa’apea le fa’alautelega ‘o pisinisi, ma mafai ai ona si’itia gāluega ‘e mafai ona fa’atino, ma le fa’afaigāluegaina o tagata.

‘O le lāfoga fou ‘o le ‘ā fa’apitoa ‘i pisinisi lāiti ‘e i lalo ifo o le $30 mīliona ā lātou tupe maua ‘i le tausaga. ‘E tusa ma le $1 pīlona le tau aofa’i ‘ua fuafua ‘e fa’aalu ai ‘a le mālō. Peita’i, na tā’ua e le pātī, ‘o le ‘ā sili atu tupe ‘e toe maua ‘e le mālō ‘i tausaga o lumana’i, pe ‘ā to’atele kamupanī e totogi le lāfoga ‘i le fua maualalo, fa’ateleina gāluega, tupu le tamāo’āiga ma si’itia tupe fa’aalu.

Fa’ailoa e le NZ First, sa faia ‘e Ausetālia se suiga fa’apea ‘i tausaga ua tuana’i, ma ‘e mafai ona ‘avea ma fa’ata’ita’iga mō Niu Sila.

Link to RNZ (Article): https://www.rnz.co.nz/news/politics_election-2026/1555182/new-zealand-first-campaigns-on-slashing-tax-rate-for-small-businesses-to-20-percent

IMAGE/ATA: RNZ / Baz Macdonald