Sāuni Manusina ma Fijiana fa’aāgiagia le tagāvai ‘a le Pasefika ‘i le WXV Global Series Challenger

‘Ua sāuni le ‘au ‘a tama’ita’i Sāmoa ‘o le Manusina fa’apea le ‘au ‘a Fiti ‘o le Fijiana ‘e fai ma ‘ave fu’a ‘a le Pasefika ‘i le ta’amilosaga ‘o le WXV Global Series Challenger 2026 ‘e faia lea ‘i Hong Kong, ma le fa’amoemoega ‘o ‘au ‘e lua ‘ina ‘ia manuia ‘a lā taumafaiga mō le Ipu ‘o le Lalolagi ‘o le Lakapi.  ‘O lea ta’amilosaga, ‘o se vāega ‘o le kālena ‘o ta’amilosaga ‘a le lalolagi, le World XV Global Series, ‘ona ‘o le fa’atūina ‘o se ta’amilosaga fou mō ‘au ‘o le tier two, ‘o le ‘ā tele ai ta’aloga fa’atauvā, mō tagata lātou te maimoaina ‘e lē gata ‘i malae ta’alo ‘ae fa’apea ma luga ‘o le televise ‘a’o tāpena atu ‘i le Ipu ‘o le Lalolagi ‘a tama’ita’i ‘i le 2029, pei ‘ona fa’aalia ‘e le Fa’alāpotopotoga ‘o le Lakapī ‘a le Lalolagi.   

‘O le vaiaso nei ‘o le ‘ā ‘āmata ai ta’aloga ‘e aofia ai  Fiti, Sāmoa, Hong Kong China, Nevalani, Sēpānia ma Brazil.  ‘E tolu ta’amilosaga ‘o lea fa’amoemoe.  ‘E tā’a’alo le Fijiana ma Sēpānia ‘i le aso 13 Sētema, soso’o ai Hong Kong China ma Brazil, ‘ae tā’a’alo le Manusina ma Nevalani ‘i le ta’aloga mulimuli ‘o le aso muamua ‘o le ta’amilosaga. 

‘O le ‘au ‘a le Manusina ‘o lo’o aofia ai tama’ita’i ‘e to’a 21 ‘e aumau ‘i atunu’u ‘i fafo, ma le to’afitu mai Sāmoa.  ‘O le faiā’oga ulu, ‘o le afioga ‘a Fuimaono Bella Milo, pei ‘ona tā’ua ‘i le Leitiō Niu Sila.

Link to RNZ (Article): https://www.rnz.co.nz/news/pacific/1324690/fijiana-and-manusina-set-to-fly-pacific-flag-at-wxv-global-series-challenger

IMAGE/ATA: World Rugby.