Fa’atuputupula’ia le nūmera o tagata sa’ili gāluega o lo’o maua le Jobseeker

‘Ua silia ma le 80,000 ‘e ‘ova ai le nūmera o tagata sa’ili gāluega, mai le nūmera sa fa’amoemoe ‘iai, o lo’o maua le penefiti sa’ili gāluega po’o le jobseeker. ‘Ua fa’aalia ‘i fa’amaumauga lata mai, ‘e ono lē ‘ausia fa’amoemoeiga po’o sini ‘autū ‘e tolu a le mālō pei ona sā fa’amoemoe ‘iai.

‘O lo’o tūmau pea ‘i le 218,500 le aofa’iga o tagata o lo’o maua penefiti sa’ili gāluega, ma e matuā māualuga atu lea nail ō le sini sā fa’atūlaga ‘e 140,000. ‘O lo’o faigatā fo’i ona ‘ausia sini ua fa’atūlaga mō le itū tau i le a’oa’oga. ‘I le itū tau i le Soifua Mālōlōina, ‘e la’ititi lava sina suiga ‘i taimi fa’atalitali mō tagata ‘e va’aia ai se fōma’i, peita’i o lo’o mamao lava ma le fa’amoemoega na fuafua mai.

‘Ua ‘ausia le sini ‘e fa’aititia ai le aofa’iga o tagata ua a’afia ‘i osofa’iga po’o le gāoiga fa’amālosi ‘o meatōtino. ‘O lo’o mata’itūina e le RNZ le āga’i i luma o taumafaiga ‘e ‘ausia sini ‘autū ‘e iva ‘a le Mālō, lea na fa’alauiloa ‘e le Palemia Tuisinavemaulumotootua Christopher Luxon iā Aperila 2024. Na filifilia nei sini ‘ina ‘ia taula’i gāluega ‘a le Vāega o ‘au’aunaga lautele a le mālō ‘i matā’upu ‘e ‘ave ‘iai le fa’amuamua, ma ‘e tu’uina mai fa’amatalaga fou ‘i le aga’i ‘i luma ‘i māsina ta’i tolu.

‘O sini ‘autū ‘e iva o lo’o fa’amoemoe ‘e ‘ausia ‘i le 2030, ‘e ‘iai le mafai ona va’aia ‘o tagata gasegase ma te’a i tua ‘i totonu o le ono itūlā talu ona taunu’u atu ‘i le falema’i, ‘ia la’itiiti ifo ma le fā māsina ‘e fa’atalitali ai le 95% o tagata mō togafitiga. ‘Ia 15% ‘e itiiti ifo ai le nūmera o tamaiti ma tupulaga ‘e faia ni soligātūlafono. Fa’amoemoe ‘ia 20,000 ‘e fa’aititia ai tagata a’afia mai ‘i osofa’iga, sauaga matagā ma gāoiga.

‘Ia 50,000 ‘e fa’aitiitia ai tagata ‘e maua le penefiti sa’ili gāluega. ‘O le isi sini ‘autū, ‘ia ‘ausia le 80% ‘o tamaiti ā’oga ‘i ā’oga mō le silia ma le 90% ‘o le kuata. ‘Ia o’o atu ‘i le 80% ‘o tamaiti ‘i le vasega 8 ‘e ‘ausia maka ‘e tatau ona ‘ausia ‘i le kurikalama ‘o le Tusitusi, Matematika ma le faitau tusi. Fa’aitiita le 75% ‘o ‘āiga ‘i emergency housings po’o fale mo’omia fa’afuase’i.

Link to RNZ (Article): https://www.rnz.co.nz/news/politics_election-2026/1298748/pm-christopher-luxon-s-targets-jobseeker-numbers-climbing-almost-80-000-over-target

IMAGE/ATA: RNZ.