Si’itia ‘e le Faletupe Fa’aleoleo ana pasene tului ‘i le 2.75%

‘E 25 basis points na fa’aopoopo ‘e le Faletupe Fa’aleoleo ‘i ana pasene tului ma ‘ua iai nei ‘i le 2.75 pasene pei ‘ona iai ‘i le aso ananafi.  ‘O se si’itaga na valo’ia lava ‘e le ‘au fai tōfā ‘o le tamāo’āiga.  ‘O le si’itaga mulimuli na faia ‘i le māsina ‘o Iūlai. 

‘Ua fa’ailoa mai ‘e le Komiti ‘o Faiga Fa’avae Tau Tupe (Monetary Policy Committee), ‘e fōliga mai ‘ua o’o ‘i le fa’atumutumuga le si’itaga ‘o tau ‘o ‘oloa (inflation), mā ‘e ono ‘āmata ‘ona fa’atelevaveina le toe mālosi ‘o le tamāo’āiga.

‘O lo’o iai le fa’amoemoe ‘e toe si’itia le tului ‘o tupe, ‘ā itiiti mai po’o le fa’atasi ‘i lenei tausaga.  ‘O isi si’itaga ‘o pasene tului ‘i le lumanaʻi, ‘o le ‘ā fa’alagolago ‘i fa’amaumauga ‘o le tamāo’āiga ma mea ‘o tutupu ‘i le tamāo’āiga ‘o le lalolagi.

‘O lo’o fa’amoemoe fo’i ‘e iai isi si’itaga ‘o le tului ‘i le tausaga fou.  Na ‘āmata fo’i ‘ona tasi’i ai ma pasene tului ‘a faletupe.  ‘Ua fa’aopoopo ‘e le Westpac le 0.25 pasene ‘i ana tului mō nonōgātupe ‘o fale ma pisinisi, ‘āmata fa’amamalu ‘i le Aso Gafua ma le Aso Tofi.

Link to RNZ (Article): https://www.rnz.co.nz/news/business/1228031/reserve-bank-hikes-official-cash-rate-to-2-point-75-percent

IMAGE/ATA: RNZ