Lē maua ‘e le ‘au fai SuperGold cards ni pa’ū fa’apitoa

‘Ua fautuaina mālosi tagata mātutua ‘e maua le Supa’āniueta, ‘ina ‘ia mātaala ma fesili mō pa’ū pe ‘ā fa’aaogā a lātou SuperGold Cards, mā ‘o ni pa’ū ‘o lo’o agava’a ‘i ai, ‘ae ‘o lea lātou te le’o fa’aaogāina.  ‘E faitau selau tama’i pisinisi ma pisinisi tetele ‘i totonu ‘o Niu Sila ‘o lo’o lātou ofoina atu ni pa’ū mō tagata mātutua ‘e iai le SuperGold Card, peita’i ‘o le lē lava ‘o fa’alauiloa lea ‘e ala ai ‘ona to’atele tagata mātutua lātou te lē iloaina. 

‘E ofo atu ‘e le Wharehouse Red Sheds se pa’ū ‘e 5 pasene ‘i Aso Lua muamua ‘o le māsina, peita’i, ‘e iai se ulugāli’i mātutua, na tumu lelei le tololi ‘i la lā fa’atau ‘i St Luke ‘i le taeao ananafi, ‘ae lēai se pa’ū na o lā tāpāina.   Na tauānau ‘e se tasi le tinā ‘ina ‘ia toe fo’i ‘i totonu ‘o le fale’oloa ‘e tapa lea fa’amanuiaga, ma na ‘uma ane, ‘e $18 na ‘ave’ese mai le tau ‘ātoa ‘o lana fa’atauga.  Na fa’ato’ese le Warehouse ‘i le ulugali’i ‘ona ‘o lea tūlaga. 

Na fa’aalia ‘e Mike Matthews le pule sili ‘o le Communicare, lea ‘e ofoina atu la lātou lagolago ‘i tagata mātutua, ‘e tatau ‘i pisinisi ‘ona fa’aopoopo a lātou gāioiga ‘e fa’alauiloa ai pa’ū pe ‘ā fa’aaogā ‘e tagata matutua a lātou SuperGold Cards. 

Link to RNZ (Article): https://www.rnz.co.nz/news/business/1213112/supergold-card-holders-missing-out-on-discounts

IMAGE/ATA: RNZ / Kim Baker-Wilson