Mālō le NZ Warriors ‘i le Newcastle Knights

‘O le sikoa ‘a le ali’i ‘o Jacob Laban ‘i mīnute fa’ai’u ‘o le ta’aloga ma le Newcastle Knights, lea na manuia le a’a ‘i le pou ma manumālō ai le NZ Warriors ‘i le afiafi ‘o le Aso Sā.

‘O ‘ai ‘o lea ta’aloga ‘i ‘Aukilani, ‘e pei ‘ona silasila ‘i ai ‘e 46 NZ Warriors ‘i le 32 ‘a le Knights, ‘e valu sikoa na maua ‘a le  Warriors ‘ae ono sikoa ‘a le Knights.

Sā mana’omia ‘e le Warriors le mālō ‘i ni ‘ai se 14 ‘ina ‘ia sili ‘ai ‘i le fa’atūlagaga ‘o le ta’amilosaga mai le ‘au ‘a le Penrith Panthers, mā ‘o lea ‘ua tūla’i mai ai le tūlaga muamua pea ‘o le Warriors ‘i le vāiaso fa’ai’u lenei ‘o le ta’amilosaga māsani ‘o lo’o fa’agāsolo ‘a le NRL.

‘O le Aso To’ona’i ‘o le vāiaso nei, lea ‘o le ‘ā talimālō ai le Warriors ‘i le ‘au ‘a le Manly Sea Eagles ‘i lō lātou malae ‘i le Go Media Stadium ‘i ‘Aukilani.

IMAGE/ATA: One NZ Warriors Facebook